कोलकाता/मेदिनीपुरम्, ०४ मे-मासः (हि.स.)। पश्चिम-बङ्गाल-राज्ये विधानसभानिर्वाचनस्य मतगणनायाः पूर्वमेव मिष्टान्न-विपणे चञ्चलता वर्धिता अस्ति। राजनैतिक-दलैः सम्भाव्य-विजयस्य उत्सवाय पूर्वमेव बहु-मात्रायां मिष्टान्नानां आदेशाः दत्ताः सन्ति। अनेन मिष्टान्न-विक्रेतॄणां शिल्पिनां च व्यस्तता अत्यधिकं वर्धिता अस्ति।

राज्ये १५ मार्च-दिने निर्वाचन-घोषणायाः अनन्तरं राजनैतिक-क्रियाकलापाः तीव्रतया वर्धिताः आसन्। निर्वाचन-प्रचारे, सभासु, शोभायात्रासु च मिष्टान्नानां याचना निरन्तरं वर्धमाना आसीत्। अधुना मतगणनायाः पूर्वं बहवः पक्षाः विजयाशया मिष्टान्नानाम् अग्रिम-आदेशान् दत्तवन्तः।पूर्व-मेदिनीपुर-जनपदस्य कोलाघाट-तामलुक-प्रदेशयोः मिष्टान्न-विक्रेतारः वदन्ति यत् निर्वाचन-प्रचारकाले एकस्मिन् दिने अपि लक्ष-रूप्यकाणां मूल्येन मिष्टान्न-विक्रयः अभवत्। तेषां अनुमानम् अस्ति यत् मतगणना-दिने विक्रयः अधिकतरं वर्धिष्यते।

पश्चिम-बङ्गाल-मिष्टान्न-समितेः पूर्व-मेदिनीपुर-जनपद-परामर्शदाता सरोज-जाना अपि उक्तवान् यत् समग्रे जनपदे निर्वाचन-काले मिष्टान्न-विक्रयः उत्तमः आसीत् तथा मतगणना-दिने अपि उत्तम-विक्रयस्य अपेक्षा अस्ति।

राजनैतिक-दलानां नेतारः अपि मिष्टान्न-आदेशानां विषये स्वीकृतवन्तः। तेषां वचनम् अस्ति यत् विजयस्य आनन्दः कार्यकर्तृभ्यः समर्थकभ्यश्च सह मिष्टान्न-भक्षणेन एव आचर्यते।

झाडग्राम-प्रदेशे तु स्थिति किञ्चित् भिन्ना दृश्यते। तत्र केचन मिष्टान्न-विक्रेतारः वदन्ति यत् अस्मिन् वारे कस्यापि राजनैतिक-दलस्य पक्षात् विशाल-मात्रायां मिष्टान्न-आदेशः न प्राप्तः, यद्यपि पूर्वनिर्वाचनेषु एषा स्थितिः नासीत्।

हिन्दुस्थान समाचार / अंशु गुप्ता