Enter your Email Address to subscribe to our newsletters
कोकराझार-नगरम् (असम), ०४ मे-मासः (हि.स.)। असम-विधानसभानिर्वाचनस्य २०२६ वर्षस्य अन्तर्गतं कोकराझार-जनपदे अद्य प्रातः अष्टवादनात् मतगणना-प्रक्रिया शान्तिपूर्वकम् आरब्धा। प्रथमं डाक-मतपत्राणां गणना आरब्धा, अनन्तरं ईवीएम-यन्त्रेषु निहितानां मतानां गणना क्रियते।
जनपदस्य पञ्च विधानसभाक्षेत्राणां कृते मतगणना एकस्मिन्नेव काले आरब्धा। प्रशासनद्वारा सम्पूर्ण-प्रक्रियायाः निष्पक्षता-पारदर्शितायोः सुनिश्चित्यर्थं व्यापकाः व्यवस्थाः कृताः, तथा सुरक्षायाः अपि दृढ-प्रबन्धाः विन्यस्ताः।
मतगणना द्वयोः मुख्य-केन्द्रयोः—कोकराझार-सर्वकारी-उच्चतर-माध्यमिक-बहुमुखी-विद्यालये तथा बोडोलैण्ड-विश्वविद्यालये—प्रवर्तते।
विद्यालये कोकराझार, बाओखुंगरी तथा दोतमा इत्येतेषां क्षेत्राणां मतगणना क्रियते, यदा बोडोलैण्ड-विश्वविद्यालये परबतझोरा तथा गोसाईगांव इत्येतेषां क्षेत्राणां मतगणना प्रचलति।
विविधेषु क्षेत्रेषु मतगणनायाः परिक्रमाः एवं निर्दिष्टाः— कोकराझारे १४, बाओखुंगर्यां १६, दोतमायां १३, परबतझोरायां १७, गोसाईगांव-क्षेत्रे ११ परिक्रमाः।
प्रशासनिक-अधिकारीणां मतानुसारं सम्पूर्णा मतगणना-प्रक्रिया सुचारु-रूपेण, सुरक्षित-रूपेण तथा पारदर्शक-रूपेण सम्पन्ना भवितुं सर्वे आवश्यक-प्रबन्धाः कृताः।
हिन्दुस्थान समाचार / अंशु गुप्ता