Enter your Email Address to subscribe to our newsletters
कोलकाता, 04 मईमासः (हि.स.)।
पश्चिमबङ्गराज्यस्य विधानसभानिर्वाचने भारतीय जनता पार्टी (भाजपा) ऐतिहासिकविजयस्य दिशि अग्रे सरति। सायं पञ्चवादनपर्यन्तं प्राप्तेषु परिणामेषु प्रवृत्तिषु च, भाजपा पूर्णबहुमतस्य सीमां बहुधा अतिक्राम्य दृश्यते। द्विनवत्यधिकद्विशत (293) आसनानां परिणामप्रवृत्तीनां अनुसारम्, भाजपा अष्टादश (18) आसनानि जितवती, चतुश्चत्वारिंशदधिकशत (184) आसनेषु अग्रे अस्ति, यदा तु ऑल इंडिया तृणमूल कांग्रेस अष्ट (8) आसनानि जितवती, सप्तसप्तति (77) आसनेषु अग्रे वर्तते। अन्ये पक्षाः अपि किञ्चित् प्रगति दर्शयन्ति।
इदानीन्तनपरिणामेषु भाजपा पूर्वबर्धमानस्य मंतेश्वर-भातारयोः, पश्चिमबर्धमानस्य आसनसोल-दक्षिणे, अलीपुरद्वार-जनपदे कालिम्पाङ्गे, दार्जिलिङ्गे, मेदिनिपुरे, बुरवाने, खडदहे, जगतवल्लभपुरे, रानीबांधे, जामुडियायां च विजयम् अलभत। तृणमूलपक्षः मुर्शिदाबाद-जनपदे भगवानगोला, मालदा-जनपदे सुजापुर, कोलकाता-नगरे मेटियाब्रुज इत्यादिषु स्थानेषु सफलतां प्राप्तवान्।
भवानीपुरनाम्नि कोलकातानगरस्य प्रमुखे निर्वाचनक्षेत्रे स्पर्धा अतीव तीव्रा आसीत्। प्रारम्भे पश्चात् गता ममताबनर्जी पुनः अग्रता प्राप्तवती, किन्तु अनन्तरं मतान्तरं न्यूनतां गतं, सा केवलं पञ्चसहस्रमतेन अग्रे अस्ति।
अनेके प्रमुखाः अभ्यर्थिनः पश्चाद् पतन्ति, अन्ये तु विजयमार्गे सन्ति। भाजपापक्षस्य प्रमुखनेतारः यथा शुभेंदु अधिकारी, दिलीप घोषादयः, अन्ये च अग्रे दृश्यन्ते।
पूर्व-पश्चिमबर्धमानयोः जिलयोः भाजपा एकतर्फीयां विजयां प्रति अग्रे सरति। आसनसोल-दुर्गापुर-औद्योगिकप्रदेशे सर्वासु नवसु आसनेषु भाजपा अग्रता धारयति। तथैव जंगलमहलप्रदेशे—पश्चिममेदिनिपुर, बांकुड़ा, पुरुलिया, झारग्राम—अधिकांशेषु आसनेषु भाजपा प्रबलतया अग्रे अस्ति।
उत्तरबङ्गप्रदेशे अपि भाजपा स्वस्य प्रभावं वर्धयति। दार्जिलिङ्ग, मालदा, जलपाईगुड़ी, कूचबिहार, अलीपुरद्वार इत्येषु जिलेषु तस्याः उत्तमः प्रदर्शनं दृश्यते।
राज्ये सत्तापरिवर्तनस्य संकेतैः सह, राज्यसचिवालयादिषु महत्त्वपूर्णस्थानेषु केन्द्रीयबलानां नियुक्तिः कृता अस्ति।
एतस्मिन्नन्तरे ममता बनर्जी स्वकार्यकर्तॄन् धैर्येण स्थितुं आह्वयत्, मतदानगणनाकेंद्रेषु स्थित्वा सतर्कतां वहन्तु इति उक्तवती। सा निर्वाचनायोगस्य भूमिकायाम् अपि प्रश्नान् उत्थापितवती।
शुभेंदुअधिकारी उक्तवान् यत् अल्पसंख्याकमतानां विभाजनात् भाजपा मुस्लिमबहुलप्रदेशेष्वपि लाभं प्राप्तवती। सः अवदत् यत् हिन्दूमतदातृणां एकता, मुस्लिममतानां विभाजनं च अस्य विजयस्य कारणं भवति।
एवं समग्रेण, पश्चिमबङ्गनिर्वाचने भाजपा स्पष्टबहुमतस्य दिशि द्रुतगत्या अग्रे गच्छति।
---------------
हिन्दुस्थान समाचार