Enter your Email Address to subscribe to our newsletters
नोएडा, 05 मईमासः (हि.स.)।उत्तरप्रदेशस्य नोएडानगरे श्रमिकाणां कृते शासनस्य योजनालाभानां सह उद्योगेषु विद्यमानानां कार्यसुअवसराणां विषये अपि एकस्मिन् एव स्थाने सूचना लभ्येत इति हेतोः यमुनाविकासप्राधिकरणक्षेत्रे “श्रमिकसुविधाकेन्द्रम्” निर्मास्यते। तदतिरिक्तं श्रमिकाणां आवासीयावश्यकताः पूरयितुं लेबरहोस्टलनिर्माणयोजनायाः अपि कार्यारम्भः जातः अस्ति। अस्य कृते शासनात् अनुमतिं प्राप्य कार्यं क्रियते।
यमुनाएक्सप्रेसवेमार्गऔद्योगिकविकासप्राधिकरणस्य मुख्यकार्यपालकाधिकारी राकेशकुमारसिंहः मङ्गलवासरे उक्तवान् यत् श्रमिकसुविधाकेन्द्रं शासनप्रशासनउद्योगानां मध्ये सेतुरूपेण कार्यं करिष्यति। अत्र श्रमिकेभ्यः सुविधाप्रदानार्थं आवश्यकं अधोसंरचनाविकासः अपि क्रियते। अस्मिन् एव स्थाने तेषां कृते जागरूकताशिविराणि, स्वास्थ्यपरीक्षणादिकानि च नियतकालान्तरेषु आयोजयितुं शक्यन्ते।
यदा उद्योगेषु कार्यसुअवसराः सन्ति तदा उद्यमिनः तस्य सूचनां श्रमिकसुविधाकेन्द्रे प्रदास्यन्ति। एवं श्रमिकाः अत्र आगत्य तेषां कार्यसुअवसराणां विषये ज्ञात्वा सम्बन्धितस्थले सम्पर्कं कर्तुं शक्नुवन्ति।
अधिकारिणः उक्तवन्तः यत् पूर्वं श्रमिकआन्दोलनसमये श्रमिकाणां आवासीयसमस्या प्रमुखकारणरूपेण अभवत्। तदेव दृष्ट्वा यमुनानगरक्षेत्रे अपि उद्योगेषु समस्यासमाधानार्थं कार्यारम्भः कृतः अस्ति, तथा भविष्ये तासां संख्याऽपि वर्धिष्यते। शीघ्रमेव लघुभूखण्डयोजना अपि अत्र प्राधिकरणेन आरभ्यते। एतेषु पुरुषश्रमिकाणां महिलाश्रमिकाणां च पृथक् आवासीयव्यवस्था भविष्यति। अस्य परियोजनायाः कृते पञ्चएकरपरिमिता भूमिः चिह्निता क्रियते।
---------------
हिन्दुस्थान समाचार