नवदिल्लीनगरम्, ०६ मईमासः (हि.स.)। भारतदेशस्य स्वस्य प्रथमराजकीय-यात्रायाम् मङ्गलवासरे सायंकाले नवदिल्लीं प्राप्तः वियतनामदेशस्य राष्ट्रपतिः तो-लामस्य बुधवासरे राष्ट्रपतिभवने औपचारिकतया स्वागतम् अभवत्। राष्ट्रपतिः द्रौपदी मुर्मु तथा प्रधानमन्त्री नरेन्द्रमोदी तं स्वागतितवन्तौ। राष्ट्रपतिना लामेन सह प्रधानमन्त्रीमोदी द्विपक्षीयवार्तां कर्तुं दिल्लीनगरस्य हैदराबाद-गृहे मिलिष्यति।

स्वागतस्य अनन्तरं राष्ट्रपतिः तो-लामः राजघाटं गत्वा महात्मा-गान्धिने श्रद्धाञ्जलिं अर्पितवान्। ततः अनन्तरं प्रधानमन्त्री मोदी हैदराबाद-गृहे राष्ट्रपतिना तो-लामेन सह मिलितवान्। प्रधानमन्त्री मोदी राष्ट्रपतिना लामेन सह द्विपक्षीयसम्बन्धानां विविधपक्षेषु तथा पारस्परिकहितस्य क्षेत्रीयवैश्विकविषयेषु व्यापकीं चर्चां करिष्यति।

वियतनामदेशस्य राष्ट्रपतिः तो-लामः भारतस्य स्वस्य प्रथमराजकीययात्रायाम् मङ्गलवासरे सायंकाले नवदिल्लीं प्राप्तः। भारत-वियतनामदेशयोः अस्मिन् वर्षे व्यापक-रणनीतिक-सहभागितायाः दशवर्षपूर्तेः उत्सवः आयोज्यते। वियतनामदेशस्य राष्ट्रपतेः भारतयात्रा बिहारराज्यस्य बोधगया-नगरात् आरब्धा। राष्ट्रपतिः लाम बोधगयायाः महाबोधि-मन्दिरे प्रार्थनां कृतवान्।

प्रधानमन्त्रिणः मोदीनः आमन्त्रणेन वियतनाम-कम्युनिस्ट-पक्षस्य केन्द्रीयसमितेः महासचिवः तथा वियतनामदेशस्य राष्ट्रपतिः लाम ५ तः ७ मई पर्यन्तं भारतदेशस्य राजकीययात्रायां भविष्यति। तेन सह वियतनाम-सर्वकारस्य मन्त्रिणः वरिष्ठ-अधिकारीणां च उच्चस्तरीय-प्रतिनिधिमण्डलम् अपि आगतम् अस्ति। राष्ट्रपतिः लामः स्वस्य भारतयात्राकाले मुम्बई-नगरस्य अपि भ्रमणं करिष्यति।

हिन्दुस्थान समाचार / अंशु गुप्ता