Enter your Email Address to subscribe to our newsletters
रांची, 06 मईमासः (हि.स.)।झारखण्ड-राज्यस्य राज्यपालः सन्तोष-कुमार-गङ्गवार-महोदयः बुधवासरे हिन्दू-जनजागृति-समितेः राज्य-समन्वयकस्य शम्भू-गवारे-महोदयस्य नेतृत्वे एकेन शिष्टमण्डलेन राँची-नगरस्थिते लोकभवने समागत्य अभिवादनं कृतम्। अस्मिन् अवसरे शिष्टमण्डलेन विभिन्न-समसामयिक-जनहित-संबद्ध-विषयेषु राज्यपालस्य ध्यानम् आकृष्य ज्ञापनपत्रं समर्पितम्।
ज्ञापनपत्रे निजी-बस-सञ्चालने ऑनलाइन-ट्रैवल्-एग्रीगेटर्-मञ्चैः कथितरूपेण अधिक-भाडा-संग्रहणस्य विषयः प्रमुखतया उत्थापितः। तथैव डिजिटल-माध्यमानां दुरुपयोगात् उत्पन्नासु उपभोक्तृ-हित-संबद्धासु समस्यासु चिन्ता व्यक्तीकृता, अस्याः दिशायाः कृते समग्र-राष्ट्रीय-नीतेः निर्माणस्य आवश्यकता अपि प्रतिपादिता।
अतिरिक्तरूपेण शिष्टमण्डलेन विद्यार्थिषु वर्धमानं “डिजिटल-व्यसनम्” इति गम्भीर-समस्या इति निर्दिश्य बालकानां युवानां च शारीरिक-मानसिक-विकासे तस्य दुष्प्रभावः प्रकाश्य “स्क्रीन-टाइम्” इत्यस्य विनियमनस्य डिजिटल-उपयोगस्य कृते स्पष्ट-निर्देश-निर्धारणस्य च आवश्यकता कथिता।
शिष्टमण्डलेन महाराष्ट्र-राज्यस्य नासिक-नगरस्थितायां एकस्यां बहुराष्ट्रिय-संस्थायां प्रकटितस्य घटनाविशेषस्य उदाहरणं दत्त्वा कार्यस्थलेषु महिलानां सुरक्षा-सम्मान-अधिकार-विषयेषु अपि चिन्ता प्रकटिता। तैः एतादृशेषु प्रकरणेषु प्रभावी-निष्पक्ष-कार्यवाह्याः सुनिश्चितीकरणार्थं पहलायाः अपेक्षा कृता।
अस्मिन् अवसरे विश्व-हिन्दू-परिषदः झारखण्ड-प्रान्त-अध्यक्षः चन्द्रकान्त-रायपत-महोदयः, पुरातात्त्विक-विशेषज्ञः समाजसेवी च एस्-डी-सिंह-महोदयः, पूजा-चौहान-महोदया अन्ये च जनाः अपि उपस्थिताः आसन्।
--------------
हिन्दुस्थान समाचार