Enter your Email Address to subscribe to our newsletters
लखनऊ-नगरम्, ०६ मईमासः (हि.स.)। मुख्य-सचिवः एस.पी.-गोयलः प्रधानमन्त्रि-राष्ट्रीय-कृषि-विकास-योजनायाः अन्तर्गतं राज्य-स्तरीय-स्वीकृति-समितेः सभां लखनऊ-नगरे कृतवान्।
सः सर्वेषां विभागानां प्रति निर्देशितवान् यत् परियोजनानां प्रभावी तथा समयबद्धं क्रियान्वयनं सुनिश्चितं क्रियताम्। प्राकृतिक-कृषेः प्रोत्साहनं, कृषकाणां आत्मनिर्भरता, कृषि-उद्यान-उत्पादकता-वृद्धिः तथा सिंचाई-सुविधा-विस्तारः च प्रमुखतया कर्तव्यानि इति सः उक्तवान्।
तथा आधुनिक-प्रौद्योगिकी, कृषि-यन्त्राणि, नवीन-शोधाः (यथा मखाना-खेती), मधुमक्षिका-पालनद्वारा मधु-उत्पादन-वृद्धिः इत्यादीनां योजनानां प्रभावी-क्रियान्वयनं निर्देशितम्। बीज-गुणवत्ता-वितरणं, समेकित-पोषण-कीट-प्रबन्धनं तथा फसलोत्तर-अवसंरचना-विकासः अपि बलपूर्वकं निर्दिष्टाः।
कृषक-उत्पादक-संगठनानां (FPOs) सुदृढीकरणं, कृषि-उद्यमिता-विकासः तथा आधुनिक-कृषि-तकनीकानां विस्तारः अपि अपेक्षितः। सहैव कृषि-कल्याण-केन्द्राणि, पैक्स-गोदाम-निर्माणम्, रेशम-उत्पादन-क्षेत्रे चाकी-रियरिङ्ग-केन्द्राणि तथा कृषि-विश्वविद्यालयेषु चल-परियोजनाः जून्-२०२६ पर्यन्तं पूर्णीकर्तव्याः इति निर्देशः दत्तः।
ईक्षु-विभागाय रेड-रॉट-प्रतिरोधी-गन्ना-प्रजातीनां प्रोत्साहनं, धान-स्थाने अन्य-सस्य-ग्रहणाय कृषकेभ्य: प्रेरणा च दत्ता। योजनानां आउटपुट-आउटकम-विश्लेषणं कृत्वा विवरणं निर्मातव्यम् इति अपि उक्तम्। अन्ते कृषि-विभागः नोडल-विभागः भूत्वा सर्वैः विभागैः सह समन्वयं स्थापयेत् इति निर्देशितम्।
अस्यां सभायां कृषि: उद्यानम् पशुपालनम्, मत्स्य:, सहकारिता, खाद्य-प्रसंस्करण, पंचायती-राज, ग्रामीण-विकासादि-विभागानां वरिष्ठ-अधिकारिणः उपस्थिताः आसन्।
हिन्दुस्थान समाचार / अंशु गुप्ता