Enter your Email Address to subscribe to our newsletters
मण्डी-नगरम्, ०६ मईमासः (हि.स.)। राज्यपालः कविन्द्र-गुप्तः बुधवासरे सरदार-पटेल-विश्वविद्यालयस्य मण्डी-नगरस्थितस्य द्वितीय-दीक्षान्त-समारोहस्य अध्यक्षतां कृतवान्। अस्मिन् समारोहस्य सम्बोधने सः उक्तवान् यत् अयं केवलं उपाधि-वितरण-कार्यक्रमः न, अपितु ज्ञान-संस्कृति-कर्तव्यबोधानां संगमस्य उत्सवः अस्ति। तेन स्नातक-विद्यार्थिनः आहूताः यत् ते केवलं स्वीय-व्यक्तिगत-व्यवसाये न सीमिताः स्युः, अपितु स्वज्ञानं, नवोन्मेषं, नैतिक-मूल्यानि च ‘विकसित-भारत-२०४७’ निर्माणे समर्पयेयुः।
तेन सरदार-वल्लभभाई-पटेलस्य परम्परां निर्दिश्य उक्तं यत् राष्ट्रीय-एकता-अखण्डतयोः तस्य आदर्शः अद्यापि समानेन प्रकारेण प्रासङ्गिकः अस्ति। विश्वविद्यालय-परिसरे सरदार-पटेलस्य प्रतिमास्थापनस्य निर्णयं प्रशंसन् सः ‘भारत-वल्लभ’ इत्यस्य अवधारणां राष्ट्रीय-दृष्टेः प्रतीकत्वेन निरूपितवान्।
राज्यपालः विद्यार्थिनः प्रति ‘एक-भारत-श्रेष्ठ-भारत’ इत्यस्य स्वप्नस्य साकारार्थं प्रतिबद्धतां वहन्तु इति आह्वानं कृतवान्। तेन विश्वविद्यालयस्य अल्पकाले एव जातां उल्लेखनीयां प्रगतिं प्रशंस्य राष्ट्रीय-शिक्षा-नीतेः चरणबद्ध-क्रियान्वयनम्, भारतीय-ज्ञान-परम्परा-प्रकोष्ठस्य स्थापना, प्रथम-दीक्षान्त-समारोहस्य पारम्परिक-भारतीय-वेषभूषायां आयोजनम्, विविध-शैक्षणिक-समितीनां गठनं च सराहनीयम् इति उक्तम्।
तेन विद्यार्थिनः प्रति दुर्बल-वंचित-वर्गाणां उत्थानाय कार्यं कर्तुम्, नशा-मुक्त-जीवनं स्वीकर्तुम्, पर्यावरण-संरक्षणं जीवन-शैली-भागं कर्तुम् तथा भारतस्य समृद्ध-सांस्कृतिक-धरोहरं रक्षितुं च आग्रहः कृतः।
दीक्षान्त-समारोहे विविध-शैक्षणिक-कार्यक्रमेषु अध्ययनरताः ५७५ छात्राः उपाधिभिः सम्मानिताः, ४० छात्राः उत्कृष्ट-शैक्षणिक-प्रदर्शनाय सुवर्ण-पदकैः अपि सम्मानिताः।
कुलपतिः प्रो.ललित-कुमार-अवस्थी २०२२ वर्षे संस्थापनानन्तरं विश्वविद्यालयस्य उपलब्धीनां विकास-यात्रायाश्च विवेचनं कृतवान्। तेन अनुसन्धान-नवोन्मेषयोः उपलब्धयः निर्दिश्य उक्तं यत् विश्वविद्यालयेन २.३० कोटि-रूप्यक-मूल्यकाः शोध-परियोजनाः प्राप्ताः, षष्टि-अधिकाः शोध-पत्राः प्रकाशिताः, द्वौ पेटेण्ट्-स्वीकृतयः अपि लब्धाः। तेन उक्तं यत् विविधैः राष्ट्रीय-अन्तर्राष्ट्रीय-संस्थानैः सह २२ समझौता-ज्ञापनानि हस्ताक्षरितानि सन्ति।
अन्ते सः अवदत् यत् राष्ट्रीय-शिक्षा-नीति-२०२० अन्तर्गतं विश्वविद्यालयेन बहुविषयक-शिक्षा, कौशल-आधारित-पाठ्यक्रमाः, अकादमिक-बैंक-ऑफ-क्रेडिट्-प्रणाली तथा बहु-प्रवेश-निर्गम-व्यवस्था सफलतया कार्यान्विता।
हिन्दुस्थान समाचार / अंशु गुप्ता