Enter your Email Address to subscribe to our newsletters
मीरजापुरम्, 06 मईमासः (हि.स.)।जिग्नाक्षेत्रस्य परमानपुरग्रामे गङ्गातटे प्रचलमाणायां संगीतमय्यां श्रीमद्भागवतकथायां तृतीये दिने बुधवासरे श्रद्धालूनां विशालः जनसमूहः समुपस्थितः।
कथाव्यासः पण्डितविष्णुधरद्विवेदी ध्रुवचरित्रस्य मार्मिकं वर्णनं कुर्वन् भक्तेः संस्काराणां च महत्त्वम् अवोचत्। तेन उक्तं यत् यदा मनसि सुनीतिः सद्गुणाश्च भवन्ति, तदैव ध्रुवसदृशस्य आदर्शपुत्रस्य जन्म भवति। भरतचरित्रस्य माध्यमेन तेन बोधितं यत् मन एव बन्धनस्य मोक्षस्य च कारणं भवति।
अजामिलप्रसङ्गं श्रावयन् व्यासजी उक्तवान् यत् अन्तिमसमयेऽपि भगवतः नामस्मरणेन उद्धारः सम्भवति। “भगवन्नाम्नः प्रभावः एतावत् महान् अस्ति यत् अजामिलः अपि परमगतिं प्राप्तवान्।”
भक्तप्रह्लादस्य कथां कथयन् तेन उक्तं यत् नारदमुनेः उपदेशान् प्रह्लादः गर्भस्थित्येव आत्मसात् कृतवान्। हिरण्यकशिपुना कृतानाम् अत्याचाराणां तथा स्तम्भात् प्रकटितस्य भगवान्नरसिंहस्य प्रसङ्गेन श्रद्धालवः भावविभोराः अभवन्।
कथाकाले व्यासजी पर्यावरणसंरक्षणस्य सन्देशं दत्त्वा उक्तवान् यत् एकस्य वृक्षस्य रोपणेन सहस्रशः जीवाः आशीर्वादं ददति। भजनकीर्तनस्य मधुरध्वनिषु श्रोतारः भक्ताः भक्तिरसे निमग्नाः आसन्।
अस्मिन् अवसरे रामनिवासपाण्डेयः, जयदेवी, कमलेशपाण्डेयः, इन्द्रकुमारः, अवधेशकुमारः, सुरेशः, सुशान्तः, सुधीरः, सुनीलः, सुजीतः, दिव्यांशः, निधिः, लालसाहबमिश्रः, महेन्द्रदेवः, आशीषमिश्रः, राधेमिश्रः, पीयूषगोयलः इत्यादयः बहुसंख्याकाः श्रद्धालवः उपस्थिताः आसन्।
---------------
हिन्दुस्थान समाचार