प्रयागराज-नगरम्, ०६ मईमासः (हि.स.)। उत्तर-प्रदेशस्य मुख्यमन्त्री योगी-आदित्यनाथः उक्तवान् यत् “रक्षा-त्रिवेणी-संगमः” इति रूपेण प्रौद्योगिकी-ज्ञान-नवोन्मेषानां एकस्मिन् मंचे समागमः ऐतिहासिकः प्रयासः अस्ति। अयं प्रधानमन्त्री नरेन्द्र-मोदी तथा रक्षा-मन्त्री राजनाथ-सिंहयोः दृष्टेः साकारकरणस्य दिशि महत्त्वपूर्णं पदम् अस्ति।

मुख्यमन्त्री बुधवासरे संगम-नगरे आयोजितस्य नॉर्थ-टेक्-सिम्पोजियमस्य समापन-कार्यक्रमे सम्बोधनं कुर्वन् आसीत्। सः प्रयागराजस्य आध्यात्मिक-ऐतिहासिक-महत्त्वं निर्दिश्य उक्तवान् यत् गङ्गा-यमुना-सरस्वतीनां संगमवत् एषः सिम्पोजियम् अपि “प्रौद्योगिकी-उद्योग-सैन्य-शक्तीनां” संगमस्य प्रतीकः अभवत्। सः अवदत् यत् भारतस्य परम्परा “वसुधैव कुटुम्बकम्” इति अस्ति, किन्तु उदारतायाः रक्षणार्थं शक्ति-सामर्थ्ययोः अपि समक्षीकरणस्य आवश्यकता अस्ति।

तेन स्पष्टं कृतं यत् आधुनिक-युद्धं केवलं जल-थल-वायु-क्षेत्रेषु न सीमितम्, अपितु साइबर-आकाश-तथा दत्तांश-आधारित-बहु-आयामी-परिचालनरूपेण विकसितम् अस्ति। अतः प्रौद्योगिकी-आत्मनिर्भरता तथा रक्षा-उत्पादने स्वदेशी-क्षमतायाः वर्धनं कालस्य आवश्यकता अस्ति। मुख्यमन्त्री अवदत् यत् उत्तर-प्रदेशे २०१७ वर्षात् परं विधि-व्यवस्थायाः सुधारः तथा ‘शून्य-सहनशीलता-नीतिः’ इत्यस्य कारणात् निवेश-पर्यावरणं सुदृढम् अभवत्। अस्य परिणामरूपेण राज्ये रक्षा-निर्माण-परिक्रमाः शीघ्रं विकसिताः सन्ति।लखनऊ-कानपुर-झांसी-आग्रा-अलीगढ-चित्रकूट-इत्यादिषु केन्द्रेषु सहस्रकोटि-रूप्यकाणां निवेश-प्रस्तावाः कार्यरूपं गच्छन्ति।

तेन उक्तं यत् अद्य भारतं रक्षा-उत्पादानां आयातकर्तृदेशात् निर्यातकर्तृदेशत्वं प्रति अग्रे गच्छति, यस्मिन् उत्तर-प्रदेशः महत्त्वपूर्णां भूमिकां निर्वहति। राज्ये कुशल-मानव-बलम्, एमएसएमई-जालं, सुदृढा अधोसंरचना च रक्षा-क्षेत्रं नूतन-शिखरं प्रति नयन्ति।

विङ्ग-कमान्डरस्य सम्बोधनम्समापन-सत्रे विङ्ग-कमान्डरः उक्तवान् यत् नॉर्थ-टेक्-सिम्पोजियम् गत-द्विदिने प्रौद्योगिकी-विशेषज्ञता-नवोन्मेषानां प्रभावी-मंचं प्रदत्तवान्। तेन उक्तं यत् आधुनिक-सैन्य-क्षमता अधुना प्रौद्योगिकी-आधारित-तैयारीषु निर्भरति, या केवलं सेना-उद्योग-शैक्षणिक-संस्थान-सर्वकार-इत्येषां सुदृढ-समन्वयेन एव सम्भवति। सः उत्तर-प्रदेश-सर्वकारस्य तथा एक्सप्रेसवे-औद्योगिक-विकास-प्राधिकरणस्य सहयोगं प्रशंसन् उक्तवान् यत् राज्ये रक्षा-उद्योगस्य तीव्र-विकसितं पारिस्थितिक-तन्त्रं देशस्य आत्मनिर्भरत्वे महत्त्वपूर्णां भूमिकां वहति। बहुसंख्यया उद्योगानां, स्टार्टअप्-उद्यमानां, नवोन्मेषकानां च सहभागिता एतस्य प्रमाणं यत् उत्तर-प्रदेशः रक्षा-प्रौद्योगिकी-केंद्ररूपेण उदेति।

कार्यक्रमे प्रमुख-उपस्थितिःसमापन-अवसरे मन्त्रिपरिषद्-सदस्यः नन्द-गोपाल-गुप्तः, सैन्य-अधिकारीणः, उद्योग-प्रतिनिधयः, शैक्षणिक-संस्थानानां विशेषज्ञाः, स्टार्टअप्-उद्यमिनः तथा बहवः प्रतिभागिनः उपस्थिताः आसन्। सर्वेऽपि अस्य आयोजनस्य सफलतायै योगदानं दत्तवन्तः संस्थानानां प्रतिभागिनां च प्रशंसां कृतवन्तः।

कार्यक्रमस्य अन्ते आयोजकैः सर्वेभ्यः अतिथिभ्यः प्रतिभागिभ्यश्च कृतज्ञता व्यक्तीकृता तथा विश्वासः अपि व्यक्तः यत् रक्षा-त्रिवेणी-संगमस्य एष: प्रयत्न: भविष्ये देशस्य सुरक्षा-तथा-प्रौद्योगिकी-आत्मनिर्भरता-क्षेत्रे नूतनां दिशं दास्यति।

हिन्दुस्थान समाचार / अंशु गुप्ता