Enter your Email Address to subscribe to our newsletters
—यूपी कालेज के प्रोफेसर के घर बड़ालालपुर जाकर मांगलिक समारोह में हुए शामिल
-परिजनों संग फोटो भी खिचाई
वाराणसी, 06 मईमासः (हि.स.)। उत्तर-प्रदेशस्य मुख्यमन्त्री योगी-आदित्यनाथः बुधवासरे वाराणसी-नगरम् आगतः। गोरखपुर-नगरात् मुख्यमन्त्रिणः हेलिकॉप्टर-यानं पुलिस-लाइन-क्षेत्रे निर्मिते उदग्रविमान-स्थानके अवतरत्, यत्र पूर्वमेव उपस्थितैः भाजप-दलस्य पदाधिकाऱिभिः, जनप्रतिनिधिभिः, प्रशासनिक-अधिकारिभिः च मुख्यमन्त्रिणः स्वागतं कृतम्।
पुलिस-लाइन-क्षेत्रात् मुख्यमन्त्री कठोर-सुरक्षा-व्यवस्थायाः मध्ये वाहन-समूहेन सह बडालालपुर-क्षेत्रस्थितस्य उदय-प्रताप-महाविद्यालयस्य अर्थशास्त्र-प्राध्यापकस्य डॉ.-राजीव-कृष्ण-महोदयस्य गृहम् अगच्छत्, यत्र सः मांगलिक-समारोहे सहभागी अभवत्। तत्र परिजनैः सह किञ्चित्कालं संवादं कृत्वा मुख्यमन्त्री तान् अभिनन्दितवान् तथा च महिलाभ्यः बालकेभ्यश्च आशीर्वादं दत्तवान्। अनन्तरं तैः सह सामूहिक-चित्रग्रहणमपि कृतम्।
ततः परं सः कालभैरव-मन्दिरं दर्शन-पूजनार्थम् अगच्छत्। मन्दिरे विधिपूर्वकं दर्शन-पूजनं कृत्वा मुख्यमन्त्री बाबायाः आरार्तिक्यमपि अकरोत्। कालभैरव-मन्दिरात् दर्शन-पूजनानन्तरं मुख्यमन्त्री श्रीकाशी-विश्वनाथ-मन्दिरे अपि विधिपूर्वकं पूजन-अर्चनं कृतवान्। बाबायाः पावन-ज्योतिर्लिङ्गस्य अभिषेकं कृत्वा तेन देशे प्रदेशे च जीवन-मङ्गलस्य कामना कृता।
अस्मिन् अवसरे प्रदेशस्य कैबिनेट्-मन्त्री अनिल-राजभरः, स्टाम्प्-न्यायालय-पञ्जीयन-शुल्क-राज्यमन्त्री रविन्द्र-जायसवालः, आयुष-खाद्य-सुरक्षा-राज्यमन्त्री डॉ.-दयाशङ्कर-मिश्रः ‘दयालुः’, एम्.एल्.सी.-हंसराज-विश्वकर्मा, एम्.एल्.सी.-धर्मेन्द्र-सिंहः, पूर्वमन्त्री शहर-दक्षिणी-विधायकः डॉ.-नीलकण्ठ-तिवारी, कैण्ट्-विधायकः सौरभ-श्रीवास्तवः, पिण्डरा-विधायकः डॉ.-अवधेश-सिंहः च उपस्थिताः आसन्।
उल्लेखनीयम् अस्ति यत् मुख्यमन्त्री मङ्गलवासरस्य सायंकाले एव काशी-नगरम् आगन्तुं निर्धारितवान् आसीत्। किन्तु गोरखपुर-नगरस्य शिक्षामित्र-चेक्-वितरण-कार्यक्रमे विलम्बः जातः, अतः तस्य भ्रमण-कार्यक्रमः निरस्तः अभवत्। नगरे मुख्यमन्त्रिणः आगमनं दृष्ट्वा तस्य कार्यक्रम-स्थलं तथा आवागमन-मार्गः ‘नो-फ्लाइ-ज़ोन’ इति घोषितः, व्यापक-सुरक्षा-व्यवस्था च कृता।
पुलिस-लाइन-क्षेत्रात् बडालालपुर-क्षेत्रं प्रति गमन-समये मार्गे भाजप-कार्यकर्तारः मुख्यमन्त्रिणः स्वागतार्थं मार्ग-पार्श्वे स्थिताः आसन्। नटिनिया-दाई-मन्दिरस्य समीपे कार्यकर्तृभिः मुख्यमन्त्रिणः वाहनम् उपरि पुष्प-वर्षा कृता।
मुख्यमन्त्री योगी-आदित्यनाथः कालभैरव-मन्दिरे दर्शनानन्तरं लघु-बालकं प्रति स्नेहं प्रदर्शितवान्। अस्य समयस्य तस्य सरलः स्नेहपूर्णश्च व्यवहारः दृष्ट्वा जनाः “हर-हर-महादेव” इति घोषं कुर्वन्तः आसन्। मुख्यमन्त्री मन्दिर-मार्गस्थितानां विक्रेतॄणामपि कुशल-प्रश्नं कृतवान् तथा च बालकेभ्यः आशीर्वादं दत्तवान्।
हिन्दुस्थान समाचार