जम्मू-नगरम्, ०६ मईमासः (हि.स.)। जम्मू-नगरस्य छन्नी-हिम्मत-स्थिते गौरीशंकर-मन्दिरे अखिल-भारतीय-धर्म-प्रचार-सेवा-समित्या सामूहिक-श्रीराम-स्तुति-तथा-हनुमान-चालीसा-पाठस्य भव्यम् आयोजनं कृतम्। कार्यक्रमस्य शुभारम्भः दीप-प्रज्वलनेन वैदिक-मन्त्र-उच्चारणेन च अभवत्, येन समग्रं वातावरणं भक्तिमयम् अभवत्।

कार्यक्रमस्य अध्यक्षतां समितेः राष्ट्रीय-संयोजकः सुनील-शर्मा अकरोत्, मुख्यातिथिरूपेण च अयोध्यायाः आगतः विद्वान् महेश-तिवारी उपस्थितः आसीत्। अस्मिन् अवसरे बहुसंख्यया छात्राः, यूनाः, महिलाश्च सहभागिनः अभवन्। बाल-विद्यार्थिभिः प्रस्तुतया प्रार्थनया—“हे प्रभो आनन्द-दाता, ज्ञानं अस्मभ्यं दीयताम्”— सर्वे भावविभोराः अभवन्।

सर्वे श्रद्धालवः एकस्वरेण श्रीराम-स्तुतिं तथा हनुमान-चालीसां अपठन्, अनन्तरं भोग-समर्पणं तथा सामूहिक-आरार्तिकी-कार्यक्रमः अपि आयोजितः। स्वस्य सम्बोधने सुनील-शर्मा उक्तवान् यत् समिति बहूनि वर्षाणि यावत् सनातन-संस्कृतेः प्रचार-प्रसाराय कार्यं करोति, तथा श्रीराम-स्तुति-हनुमान-चालीसा-पाठ-अभियानं देशस्य सर्वेषु मन्दिरेषु प्रसारयितुं लक्ष्यं धारयति।

कार्यक्रमे केवल-कृष्ण-शर्मा, भुवनेश्वरी-शर्मा, संजीव-शर्मा, प्रतीक-कुमारः इत्यादयः बहवः गणमान्याः अपि उपस्थिताः आसन्।

हिन्दुस्थान समाचार / अंशु गुप्ता