पाटलिपुत्रम्, ०७ मईमासः (हि.स.)। बिहार-राज्यस्य राजधानी पाटलिपुत्रस्य ऐतिहासिके गान्धी-प्राङ्गणे अद्य मध्याह्ने १२:१० वादनतः मुख्यमन्त्रिणः सम्राट-चौधरी इत्यस्य नूतन-मन्त्रिमण्डलस्य शपथ-ग्रहण-समारोहः प्रारभ्यते। अस्य सर्वाः सज्जाः सम्पन्नाः। शपथ-ग्रहण-समारोहात् पूर्वं प्रधानमन्त्री नरेन्द्र-मोदी पाटलिपुत्रे शोभायात्रां करिष्यति।

पश्चिम-बङ्गाले भारतीय-जनता-पक्षस्य प्रचण्ड-विजयानन्तरं बिहार-राज्ये मन्त्रिमण्डल-विस्तार-कार्यक्रमः भव्यरूपेण आयोज्यते। अस्मिन् शपथ-ग्रहण-कार्यक्रमे जदयू, भाजप, लोजपा (आर), हम तथा रालोमो इत्येतेषां पक्षाणां सदस्याः मन्त्रिपदरूपेण शपथं गृह्णन्ति। प्रथमवारं मन्त्रिमण्डल-विस्तारस्य शपथ-समारोहः गान्धी-प्राङ्गणे आयोज्यते।

शपथ-ग्रहण-समारोहं विशेषम् आकर्षकं च कर्तुं गान्धी-प्राङ्गणे विशालः मञ्चः निर्मितः। प्रतिकूल-वातावरणस्य कारणात् जर्मन-मञ्चस्य अन्तः मञ्चः निर्मितः अस्ति, यत्र बिहार-मन्त्रिमण्डलस्य सदस्याः शपथं गृह्णन्ति। अस्मिन् समारोहे पाटलिपुत्रस्य समीपवर्तीभ्यः विधानसभा-क्षेत्रेभ्यः जनाः, भाजप-पक्षस्य कार्यकर्तारः, जदयू-पक्षस्य कार्यकर्तारः, लोजपा (रामविलास), हम तथा राष्ट्रीय-लोक-मोर्चा-पक्षस्य कार्यकर्तारः सहभागं करिष्यन्ति।

प्रदेश-भाजप-कार्यालयस्य अनुसारं प्रधानमन्त्री प्रातः १०:३० वादने पाटलिपुत्र-विमानस्थानकं प्राप्स्यति। विमानस्थानकात् अनन्तरं प्रधानमन्त्री विमानस्थानकात् गान्धी-प्राङ्गणं यावत् शोभायात्रां करिष्यति। अस्यां शोभायात्रायां राष्ट्रियाध्यक्षः नितिन-नवीनः तथा बिहारस्य मुख्यमन्त्री सम्राट-चौधरी अपि उपस्थितौ भविष्यतः। गान्धी-प्राङ्गणे १२:१० वादने मन्त्रिमण्डल-विस्तारस्य शपथ-ग्रहण-समारोहः भविष्यति।

भाजप-विधायकः पूर्व-मन्त्री च रामकृपाल-यादवः उक्तवान् यत् कार्यक्रमे समग्र-बिहारतः विशाल-संख्यायां जनाः आगमिष्यन्ति। प्रधानमन्त्रीणः स्वागतं प्रति जनानां मध्ये महान् उत्साहः दृश्यते। तस्य मतानुसारम् एतत् वातावरणं पक्षस्य वर्धमान-लोकप्रियतां नेतृत्वे जनविश्वासं च दर्शयति।

प्रशासनस्य पूर्णा सज्जता

शपथ-ग्रहण-समारोहस्य निमित्तं प्रशासनम् व्यापक-यातायात-व्यवस्थां प्रवर्तितवान्। प्रधानमन्त्रीणः आगमनं कार्यक्रमस्य सुरक्षा च दृष्ट्वा प्रातः ८ वादनतः अपराह्णे ३ वादनपर्यन्तं अथवा कार्यक्रम-समाप्तेः पर्यन्तं नगरस्य प्रमुख-मार्गेषु वाहन-परिचालने कठोर-प्रतिबन्धः स्थापितः। केवलम् आपत्कालीन-सेवाभ्यः, आमन्त्रित-अतिथिभ्यः तथा प्रवेश-पत्र-धारक-वाहनेभ्यः एव अनुमतिः प्रदत्ता।

पाटलिपुत्र-आरक्षकविभागस्य गुप्त-शाखायाः यातायात-योजनानुसारं डुमरा-टीओपी-स्थानात् विमानस्थानकं यावत्, विमानस्थानक-गोलम्बरात् पटेल-गोलम्बरं यावत्, राजेन्द्र-चतुष्पथात् पटेल-गोलम्बरं यावत् तथा पटेल-गोलम्बरात् आयकर-गोलम्बरं यावत् सर्वेषां वाहनानां परिचालनं पूर्णतया निषिद्धं भविष्यति। एतदतिरिक्तं चितकोहरा-गोलम्बरात् उत्तर-दिशि, गर्दनीबाग-आरओबी-प्रदेशे तथा आर-ब्लॉक-आरओबी-प्रदेशे अपि यातायातः प्रतिबन्धितः भविष्यति। बेली-मार्गे बोरिंग-रोड्-क्रॉसिङ्ग्-स्थानात् आयकर-गोलम्बरं यावत् उभयतः यातायातः पूर्णतया स्थगितः भविष्यति। आयकर-गोलम्बरात् डाकबङ्गला, जेपी-गोलम्बर, रामगुलाम-चतुष्पथः, कारगिल- चतुष्पथः तथा चिल्ड्रेन्-उद्यानं यावत् मार्गः सामान्य-वाहनेभ्यः निषिद्धः भविष्यति। पाटलिपुत्र-जङ्क्शनात् डाकबङ्गला-दिशि गच्छतां वाहनानाम् अपि गमनं निषिद्धं कृतम्।

गान्धी-प्राङ्गणस्य समीपे कठोर-सुरक्षा

गान्धी-प्राङ्गणस्य चतुर्दिक् कस्यापि वाहनस्य, ठेला-यानस्य अथवा खोमचा-विक्रेतॄणां स्थापनं पूर्णतया निषिद्धं भविष्यति। प्राङ्गणस्य अन्तः अपि वाहन-प्रवेशः वर्जितः भविष्यति। भट्टाचार्य-मोड्-स्थानात् गान्धी-प्राङ्गण-दिशि तथा ठाकुरबाड़ी-मोड्-स्थानात् बाकरगञ्जात् पश्चिम-दिशि च वाहन-प्रवेशः पूर्णतया निरुद्धः भविष्यति। जेपी-गोलम्बरात् चिल्ड्रेन्-उद्यान-प्रदेशं यावत् मार्गः केवलम् आपत्कालीन-सेवाभ्यः सुरक्षितः स्थापितः। अस्मिन् मार्गेण केवलम् रुग्णवाहिकाः आवश्यक-सेवाश्च पीएमसीएच-सहित-चिकित्सालयान् प्रति गमिष्यन्ति। सामान्य-नागरिकाणां कृते अस्मिन् मार्गे सञ्चरणं पूर्णतया निषिद्धं भविष्यति। विशिष्ट-अतिथीनां महाविशिष्ट-अतिथीनां च कृते गान्धी-प्राङ्गणस्य विभिन्न-द्वारेभ्यः प्रवेश-स्थापन-व्यवस्था पृथक् कृताऽस्ति। प्रधानमन्त्रीणः वाहन-समूहः द्वार-संख्या १ द्वारा प्रवेक्ष्यति, यदा तु मन्त्रिगणाः मञ्चासीन-अतिथयश्च द्वार-संख्या १२ द्वारा प्रवेक्ष्यन्ति। सञ्चार-माध्यम-कर्मचारिणां कृते द्वार-संख्या ११ निर्धारितम् अस्ति।

हिन्दुस्थान समाचार / अंशु गुप्ता