Enter your Email Address to subscribe to our newsletters
कोलकाता-नगरम्, ०९ मईमासः (हि.स.)। पश्चिम-बङ्गालस्य नूतनः मुख्यमन्त्री शुभेन्दु-अधिकारी शपथग्रहणानन्तरं विभिन्न-सङ्घटनानां पक्षतः अभिनन्दनानां क्रमः निरन्तरं प्रवर्तते। भारत-वाणिज्य-मण्डलस्य अध्यक्षः नरेश-पाचिसिया पत्रे तस्मै शुभकामनाः प्रदाय उक्तवान् यत् एतत् दायित्वं तस्य दीर्घ-राजनैतिक-अनुभवस्य, सङ्घटनात्मक-कौशलस्य तथा जनसेवायै समर्पणस्य परिणामः अस्ति।
मण्डलेन आशा व्यक्तिता यत् केन्द्र-राज्ययोः उत्तम-समन्वयेन पश्चिम-बङ्गाले उद्योग-, रोजगार-, आधारभूत-संरचना-तथा प्रशासनिक-पारदर्शितायाः क्षेत्रेषु नूतनाः सम्भावनाः उद्घाटिताः भविष्यन्ति।
अन्यत्र नाखोदा-मस्जिद-न्यास-मण्डलस्य पक्षतः अपि मुख्यमन्त्रिणे अभिनन्दनं प्रदत्तम्। न्यासी नासेर-इब्राहिम राज्यस्य मुस्लिम-समुदायस्य पक्षतः शुभकामनाः प्रदाय नूतन-सर्वकारस्य सफलतायै कामनाम् अकरोत्। तेन शिक्षा-, स्वास्थ्य-तथा व्यापार-क्षेत्रेषु समस्यासमाधानाय दृढ-पदानि स्वीकर्तुं अपेक्षा व्यक्तिता।
हिन्दुस्थान समाचार / Dheeraj Maithani