Enter your Email Address to subscribe to our newsletters
रायपुरनगरम्, ०९ मईमास: (हि.स.)। पश्चिमबङ्गराजनीतौ अद्य ऐतिहासिकः अध्यायः योजितः, यदा सुवेन्दु-अधिकारी पश्चिमबङ्ग-राज्यस्य मुख्यमन्त्रिपदस्य शपथं गृहीतवान्। दीर्घकालं परिवर्तनस्य प्रतीक्षां कुर्वती जनता अधुना नूतनां दिशां प्राप्तवती, तथा राज्ये सत्तापरिवर्तनस्य स्वप्नं साकारं जातम्।
अस्मिन् अवसरे छत्तीसगढ़स्य मुख्यमन्त्री विष्णुदेव-सायः कोलकातानगरं गत्वा पश्चिमबङ्ग-राज्यस्य मुख्यमन्त्री सुवेन्दु-अधिकारी सह शिष्टाचार-साक्षात्कारं कृतवान्। सः शपथ-ग्रहणं कृतवद्भ्यः सर्वेभ्यः मन्त्रिपरिषद्-सदस्येभ्यः हार्दिकाः शुभकामनाः दत्त्वा तेषां सफल-कार्यकालस्य कामनां कृतवान्।
मुख्यमन्त्री सायः उक्तवान् यत् इदं जनादेशं केवलं सर्वकार-परिवर्तनं न, अपितु पश्चिमबङ्गे विकासस्य, सुशासनस्य तथा नूतन-कार्यसंस्कृतेः स्थापनायाः जनसंकल्पः अस्ति। सः विश्वासं प्रकटितवान् यत् प्रधानमन्त्रिणः नरेन्द्र-मोदी-महोदयस्य दूरदर्शि-नेतृत्वेन तथा “डबल-इञ्जिन”-सर्वकारस्य शक्त्या पश्चिमबङ्गः विकासस्य नूतन-उच्चतां प्राप्स्यति।
सः अपि अवदत् यत् नूतन-सर्वकारेण राज्ये यूनां कृते रोजगारस्य उत्तमाः अवसराः, कृषकाणां कृते समृद्धेः मार्गः, तथा मातृशक्तेः कृते सुरक्षितं सशक्तं च वातावरणं लभ्यते। पश्चिमबङ्गजनाः विकासस्य, पारदर्शितायाः तथा सुशासनस्य पक्षे स्पष्टं विश्वासं प्रकटितवन्तः।
अन्ते सः उक्तवान् यत् सुवेन्दु-अधिकारी नेतृत्वे पश्चिमबङ्गः नूतन-ऊर्जया नूतन-दिशया च अग्रे गमिष्यति तथा “सोनार-बाङ्ग्ला” इत्यस्य अवधारणा पुनः साकारं भविष्यति।
हिन्दुस्थान समाचार / अंशु गुप्ता