भोपालनगरम्, ०९ मे-मासः (हि.स.)। मध्यप्रदेशस्य मुख्यमन्त्री डॉ.मोहन-यादवः अद्य (शनिवासरे) वीर-शिरोमणिं महाराणा-प्रतापं स्वतन्त्रता-सैनिकं गोपाल-कृष्ण-गोखलें च तयोः जयन्त्यां नतवान्।

मुख्यमन्त्री डॉ.यादवः एक्स-इत्यत्र सन्देशं विलिख्य महाराणा-प्रतापं जयन्त्यां प्रणमन् अलिखत्— “अदम्य-साहस-स्वाभिमान-मातृभूमिं प्रति अखण्ड-समर्पणस्य प्रतीकः ‘वीर-शिरोमणिः’ महाराणा-प्रतापः तस्मै जयन्त्यां कोटिशः नमनम्। हल्दीघाटी-प्रदेशस्य पवित्रा धरा अद्यापि तस्य पराक्रम-शौर्य-राष्ट्रभक्तीनाम् अमरगाथां कथयति। महाराणा-प्रतापस्य जीवनम् अस्मभ्यं प्रेरणां ददाति यत् राष्ट्रस्य गौरवार्थं दृढसंकल्पेन कर्तव्यनिष्ठया च सर्वासु परिस्थितिषु अटलं स्थातव्यम्।”

अन्येन सन्देशेन समाज-सुधारकं गोपाल-कृष्ण-गोखलें स्मरन् मुख्यमन्त्री डॉ.यादवः अलिखत्— “मातृभारत्याः अमर-सपूतः महान् समाज-सुधारकः शिक्षाविद् च गोपाल-कृष्ण-गोखले तस्मै जयन्त्यां सादरं नमनम्। तेन देशस्य स्वतन्त्रतायै शिक्षायै समाज-सुधाराय च आजीवनं संघर्षः कृतः। तस्य जीवनात् राष्ट्रीय-पुनर्निर्माणाय अपरिमिता प्रेरणा प्राप्यते।”

हिन्दुस्थान समाचार / अंशु गुप्ता