Enter your Email Address to subscribe to our newsletters
काहिरा, 09 मईमासः (हि.स.)।विश्ववित्तकोषद्वारा पश्चिम-एशियाक्षेत्रे प्रवर्तमानस्य तनावस्य तथा ईरानदेशसम्बन्धिनः वर्धमानस्य संघर्षस्य कारणेन आर्थिकप्रभावैः पीड्यमानाय मिस्रदेशाय महती वित्तीयसाहाय्यता प्रदत्ता। विश्ववित्तकोषेण मिस्रदेशाय त्रिशत्-मिलियन-डॉलर-मूल्यकस्य, अर्थात् प्रायः द्विसहस्रसप्तशत-कोटि-रूप्यक-परिमितस्य, आर्थिकसाहाय्यस्य अनुमोदनं कृतम्। अस्य साहाय्यस्य उद्देश्यं क्षेत्रीय-अस्थिरतायाः तथा युद्धजनितस्य आर्थिकभारस्य न्यूनीकरणम् अस्ति।
विश्वबैङ्कस्य मिस्र, येमेन तथा जिबूती क्षेत्रस्य निदेशकः स्तेफान्-गिम्बर्ट् इत्यनेन प्रकाशितायां सूचनायां उक्तं यत् वर्तमानपरिस्थितिः क्षेत्रीय-अर्थव्यवस्थायां गम्भीरं प्रभावं जनितवती। विशेषतः ऊर्जा, व्यापार, निवेश तथा आपूर्ति-शृङ्खलायां भारो वर्धितः अस्ति। अतः एषः आर्थिकसाहाय्य-पुटः मिस्रदेशस्य वित्तीयस्थैर्यरक्षणे सहायकः भविष्यति।
प्रतिवेदनानुसारम् अस्मिन् साहाय्य-पुटे विश्ववित्तकोषस्य पक्षतः कुलम् अष्टशत्-मिलियन-डॉलर-मूल्यका गारण्टी अन्तर्भवति, यदा च यूनाइटेड्-किङ्ग्डम्-देशस्य पक्षतः द्विशत्-मिलियन-डॉलर-मूल्यकं अतिरिक्त-साहाय्यं प्रदत्तम्। प्रारम्भे विश्वबैङ्कस्य अंशः पञ्चशत्-मिलियन-डॉलर-परिमितः निश्चितः आसीत्, किन्तु क्षेत्रे वर्धमानस्य शैथिल्यस्य तथा युद्धप्रभावस्य दृष्ट्या तत् वर्धयित्वा अष्टशत्-मिलियन-डॉलर-परिमितं कृतम्।
एषा वित्तीयसाहाय्यता सरलशर्तेषु उपलब्धा क्रियते। सूचनानुसारम् अस्मिन् ऋणे प्रायः षट्-प्रतिशतं व्याजदरः प्रवर्तिष्यते तथा भुगतान-अवधिः त्रिंशत्-वर्षाणि निर्धारितानि सन्ति। तदतिरिक्तं प्रारम्भिकवर्षेषु भुगतान-विषये राहत् अपि प्रदास्यते, येन मिस्रदेशस्य उपरि तात्कालिकः आर्थिकभारः न वर्धेत।
एतत् साहाय्यं त्रिषु चरणेषु सञ्चाल्यमानस्य व्यापक-आर्थिक-सहयोग-कार्यक्रमस्य द्वितीयः भागः अस्ति। प्रथमः चरणः जून्-मासे द्विसहस्रचतुर्विंशतितमे वर्षे अनुमोदितः आसीत्, तृतीयः चरणः तु आगामिवर्षे प्रवर्तितुं सम्भाव्यते।
--------------------
हिन्दुस्थान समाचार