Enter your Email Address to subscribe to our newsletters
नवादा-जनपदः, ०९ मईमासः (हि.स.)। शिक्षा-जागरूकतायै दृढ-संकल्पितेन बुद्धिजीवी-विचार-मञ्चेन विगत-अनेक-वर्षेभ्यः सञ्चाल्यमानं शिक्षा-जागरूकता-अभियानं शनिवासरे मध्यविद्यालय-ओढ़नपुरस्य पोषक-क्षेत्रे सञ्चालितम्।
मञ्चस्य संयोजकस्य शिक्षाविदः अवधेश-कुमारस्य निर्देशनाय तथा ओढ़नपुर-मध्यविद्यालयस्य प्रधानाध्यापकस्य डॉ.राजू-रञ्जन-कुमारस्य नेतृत्वे शनिवासरे भव्य-शिक्षा-शोभायात्रा आयोजिता, यस्यां शताधिकाः विद्यालयीय-छात्राः, शिक्षकाः, अभिभावकाः, मञ्चस्य सहयोगिनः च सहभागिनः अभवन्। आकर्षकैः लोक-गीतैः, आञ्चलिक-उद्घोषै:, प्रेरक-स्फोरकपत्रै: च सह निष्कासितायां अस्यां शिक्षा-शोभायात्रायां बालकान् विद्यालयं प्रेषयितुं, मातापित्रोः निर्देशनाय नियमित-स्वाध्यायं कर्तुं, स्वच्छता-पालनं, बालकानां भविष्य-योजनाः इत्यादयः प्रभावी-सन्देशाः ग्रामस्य संकीर्ण-वीथीष्वपि प्रतिध्वनिताः। विशेषतः अमौनी, ओढ़नपुर, आमीपुर इत्यादिषु ग्रामेषु सार्वजनिक-स्थलेषु समूह-समागमं कृत्वा आकर्षक-शिक्षा-गीतानां गायनं, नाराणां सामूहिक-ध्वनिः च निरक्षराः महिलाः अपि गृहात् बहिः आगन्तुं प्रेरितवती।
बहुसंख्यया सहभागिनां बालकानां अनुशासनं, शालीनता, शैक्षणिक-उद्बोधनं च दृष्ट्वा अभिभावकाः अपि गौरवं अनुभूतवन्तः, यदा कन्यानां उत्साहः उत्तम-शिक्षित-समाज-निर्माणस्य मार्गं प्रशस्तं करोति स्म। मञ्चस्य वरिष्ठ-अधिकारी सुविख्यात-चिकित्सकः डॉ.सुनीति-कुमारः अभियानस्य सफलतायाः श्रेयः बुद्धिजीवी-विचार-मञ्चस्य सहयोगिनां प्रतिबद्धतायै, ओढ़नपुर-विद्यालयस्य शिक्षकाणां तथा बालकानां उत्साहाय च दत्तवान्।
हिन्दुस्थान समाचार / अंशु गुप्ता