उदयपुर-नगरम्, ०९ मईमासः (हि.स.)। लघु-उद्योग-भारती अग्रिम-काले प्रतिभानां सम्मानम्, सङ्घटन-विस्तारं तथा कौशल-विकासे विशेष-केन्द्रणं करिष्यति। एषा भावना लघु-उद्योग-भारत्याः ३२तम-स्थापना-दिवसस्य अवसरे उदयपुर-महानगर-एककस्य आयोजन-कार्यक्रमे स्पष्टतया प्रकटिता।

लघु-उद्योग-भारती-महानगर-माध्यम-प्रमुखः डॉ.अवनीश-व्यासः उक्तवान् यत् कार्यक्रमस्य अध्यक्षता महानगर-अध्यक्षः राजेन्द्र-सुराणा अकरोत्। मुख्यातिथिरूपेण लघु-उद्योग-भारती-प्रदेश-अध्यक्षः योगेन्द्र-शर्मा उपस्थितः आसीत्। विशिष्टातिथिरूपेण राष्ट्रिय-स्वयंसेवक-सङ्घस्य विभाग-सञ्चालकः हेमेन्द्र-श्रीमाली, लघु-उद्योग-भारती-प्रान्तीय-महासचिवः प्रवीण-गुप्तः, रीना-राठौड़: तथा पूर्वाध्यक्षः राकेश-वर्डिया उपस्थिताः आसन्।

कार्यक्रमस्य प्रारम्भे महानगर-अध्यक्षः राजेन्द्र-सुराणा अध्यक्षीय-उद्बोधनं दत्त्वा स्वकार्यकाले सम्पन्नानां विविध-सङ्गठनात्मक-कार्याणां, उद्योग-हिताय कृतानां प्रयत्नानां तथा आगामि-योजनानां विषये प्रकाशम् अकरोत्। तेन सङ्घटनस्य निरन्तर-वर्धमान-सक्रियतायाः तथा उद्यमिनां सहयोगस्य प्रशंसा कृता।

ततः अनन्तरं वर्ष-२०१३ तमे सङ्घटन-गठनात् आरभ्य अद्यावधि सर्वेषां पूर्वाध्यक्षाणां सम्मानं कृतः। अस्मिन् अवसरे पूर्व-महापौरा रजनी-डांगी सङ्गठनस्य प्रारम्भिक-संघर्षाणां तथा प्रतिकूल-परिस्थितिषु सङ्घटनं सुदृढं कर्तुं कार्यकर्तृभिः कृतस्य योगदानस्य स्मरणम् अकरोत्। तया महिला-एककस्य प्रथम-अध्यक्षा सङ्घटन-स्थापनाय कृतानां संघर्षाणाम् उल्लेखं कृत्वा उक्तं यत् समर्पणेन सङ्घटन-भावनया च अद्य लघु-उद्योग-भारती सुदृढ-मञ्चरूपेण प्रतिष्ठिता अस्ति।

कार्यक्रमे मञ्चद्वारा सङ्घटनस्य विस्तारस्य विषये उक्तं यत् सङ्घटनं निरन्तरं स्वगत्या अग्रे प्रगतवान्, किन्तु वर्ष-२०२१ तः २०२४ पर्यन्तं तत्कालीन-अध्यक्षस्य मनोज-जोशी इत्यस्य नेतृत्वे सङ्घटनेन अभूतपूर्वः विस्तारः प्राप्तः। अस्मिन् अवधौ अधिकतमाः नूतन-सदस्याः सङ्घटने संयोजिताः तथा च उदयपुरस्य इतिहासे भव्यः “इण्डिया-इण्डस्ट्रियल-फेयर” इत्यस्य आयोजनम् अभवत्, यत् लघु-उद्योग-भारती-उदयपुरस्य कृते मील-प्रस्तर-सदृशं सिद्धम् अभवत्।

अस्मिन् अवसरे विभिन्न-क्षेत्रेषु उत्कृष्ट-उपलब्धिं प्राप्त्य उदयपुरस्य देशस्य च नाम प्रकाशयद्भ्यः प्रतिभाशालिभ्यः बालक-बालिकाभ्यः अतिथिभिः सम्मानं प्रदत्तम्। उपस्थित-जनैः एतासां प्रतिभानां उत्साहवर्धनं कृत्वा तेषां उज्ज्वल-भविष्यस्य कामना कृता।

चित्तौड़-प्रान्त-महासचिवः प्रवीण-गुप्तः स्वोद्बोधने लघु-उद्योग-भारत्याः स्थापनायाः पृष्ठभूमेः, उद्देश्यस्य आवश्यकतायाश्च विषये विस्तरेण प्रकाशम् अकरोत्। तेन उक्तं यत् वर्ष-२०१० तः वरिष्ठ-मार्गदर्शकस्य प्रकाश-चन्द्रस्य सान्निध्ये सङ्गठनं निरन्तरं विस्तारस्य दिशि अग्रसरम् अभवत् तथा च अद्य देशव्यापि विशाल-सङ्घटनरूपेण स्थापितम् अस्ति। गुप्तेन उक्तं यत् राजस्थाने सम्प्रति जयपुर-नगरे जोधपुर-नगरे च लघु-उद्योग-भारत्याः कौशल-विकास-केन्द्रे सञ्चालिते स्तः, यत्र विविध-स्किल-कोर्स-माध्यमेन यूनां प्रशिक्षणं प्रदीयते। तेन उक्तं यत् सम्प्रति देशव्यापि सङ्घटनस्य प्रायः ६६,५०० सदस्याः सन्ति तथा च प्रत्येकेन कार्यकर्त्रा सदस्यता-विस्ताराय सङ्घटन-सशक्तीकरणाय च सक्रिय-भूमिका निर्वोढव्या।

हिन्दुस्थान समाचार / अंशु गुप्ता