Enter your Email Address to subscribe to our newsletters
नवदिल्ली, 09 मईमासः (हि.स.)।
अर्जेण्टीना-देशस्य विख्यातः फुट्बॉल-क्रीडकः लियोनेल् मेसी इत्यनेन उक्तं यत् तस्य दलं पुनरपि द्वितीयवारं फीफा-वर्ल्ड्-कप्-विजयस्य स्वप्नं द्रष्टुं शक्नोति, किन्तु वर्तमानकाले फ्रान्स् तथा स्पेन् इत्येते दलौ उत्तमतररूपेण क्रीडन्तौ स्तः।
यूट्यूब्-माध्यमे होस्ट् पोलो अल्वारेज़ इत्यस्मै प्रदत्ते साक्षात्कारकार्यक्रमे मेसी उक्तवान्— “अस्माकं दले अनेकाः क्रीडकाः आघातसमस्यया अथवा मैच्-फिट्नेस्-अभावेन पीडिताः सन्ति, किन्तु यदा सम्पूर्णः समूहः एकत्र भवति, तदा सः सदा एव एतत् सिद्धं कृतवान् यत् सः स्पर्धितुं विजेतुं च जानाति।”
तथापि मेसी अङ्गीकृतवान् यत् आगामि विश्वकप्-स्पर्धा अत्यन्तकठिना भविष्यति।
सः उक्तवान् यत् “फ्रान्स् इदानीं अत्युत्तमक्रीडारूपे अस्ति। तेषां समीपे विश्वस्तरीय-क्रीडकानां प्रचुरा संख्या अस्ति।”
उल्लेखनीयं यत् अर्जेण्टीना-दलेन कतार-देशे आयोजिते फीफा-वर्ल्ड्-कप् २०२२ इत्यस्य अन्तिमस्पर्धायां फ्रान्स्-दलं पराजित्य विजयो प्राप्तः आसीत्।
मेसी स्पेन् तथा ब्राजील् इत्येतौ अपि शक्तिशालिनौ वादकर्तारौ इति उक्तवान्। तदतिरिक्तं तेन उक्तं यत् पुर्तगाल् अत्यन्तस्पर्धात्मकं दलम् अस्ति, यदा जर्मनी तथा इङ्ग्लैण्ड् इत्यादयः यूरोपीयदलाः सदा एव संकटकारिणः भवन्ति।
इण्टर् मियामी इत्यस्य कृते क्रीडन् मेसी जून्-मासे एकोनचत्वारिंशत्-वर्षीयः भविष्यति, किन्तु अद्यापि तेन आधिकारिकरूपेण एतत् न स्पष्टीकृतं यत् सः वर्ल्ड्-कप् २०२६ स्पर्धायां भागं गृह्णीयात् उत न।
एषा स्पर्धा ११ जून् तः १९ जुलाई २०२६ पर्यन्तं अमेरिका, मेक्सिको तथा कनाडा-देशेषु आयोजिता भविष्यति।
मेसी उक्तवान् यत् तेन स्वकीयक्रीडाजीवनस्य विषये काचित् समयसीमा निर्धारिताऽ नास्ति।
सः उक्तवान् यद् “मम फुट्बॉल-क्रीडा अत्यन्तं रोचते तथा यावत् अहं क्रीडितुं शक्नोमि, तावत् क्रीडिष्यामि।”
अनन्तरं सः उक्तवान् यद् “अहं अत्यन्तस्पर्धाप्रियः अस्मि। मम सर्वासु वस्तुषु विजयः रोचते। अहं तु स्वपुत्रं विडियो-गेम्-क्रीडायामपि सहजतया जेतुं न ददामि।”
---------------
हिन्दुस्थान समाचार