कोलकातानगरम्, ०९ मे-मासः (हि.स.)। पश्चिम-बङ्गाल-प्रदेशे नूतन-सर्वकारस्य शपथ-ग्रहणानन्तरं मन्त्रिपरिषदः प्रथमा सभा पश्चिम-बङ्गाल-विधानसभायां भविष्यति। प्रशासनिक-सूत्राणां अनुसारं वर्तमानकाले मुख्यमन्त्रिणः मन्त्रिणां च सर्वकारीयं कार्यं किञ्चित्कालपर्यन्तं विधानसभाभवनात् एव सञ्चाल्यते।

वास्तवतः राज्य-सचिवालयस्य राइटर्स-भवने पुनर्निर्माण-नवीनीकरणयोः कार्यम् अद्यापि सम्पूर्णं न जातम्। अतः नूतनः मुख्यमन्त्री शुभेन्दु-अधिकारी शपथ-ग्रहणानन्तरं विधानसभाभवनात् एव स्वकार्यं करिष्यति। मुख्यमन्त्रिणः कृते तत्र एकः कक्षः सज्जीकृतः अस्ति।

सूत्राणां मते विधानसभायाः प्लेटिनम-जयंती-स्मारक-भवने गोल-मेज-सभायाः व्यवस्था अस्ति। तत्रैव नूतन-मन्त्रिपरिषदः प्रथमा सभायाः सम्भावना वर्तते। विविध-विभागानां मन्त्रिणां कृते अपि विधानसभायां पृथक् पृथक् कक्षाः निर्धारिताः सन्ति तथा पूर्वसर्वकारस्य मन्त्रिणां नाम-पट्टिकाः अपि अपसारिताः सन्ति।

सूचनानुसारं राइटर्स-भवनस्य पूर्णतया सज्जीकरणे अद्यापि प्रायः षट्-मासानां कालः अपेक्षितः। तावत्कालं यावत् सर्वकारस्य कार्यम् अस्थायिरूपेण विधानसभातः एव सञ्चालितुं शक्यते। तथापि केचन विभागाः अद्यापि नबान्न-भवने अपि कार्यं कुर्वन्ति।

शपथ-ग्रहण-समारोहं दृष्ट्वा पश्चिम-बङ्गाल-विधानसभाभवनं विशेषरूपेण सज्जीकृतम्। अत्र प्रायः ८०० दीपाः स्थापिताः सन्ति तथा कार्यक्रमस्य कारणात् कर्मचारिणाम् अवकाशः अपि निरस्तः कृतः।

हिन्दुस्थान समाचार / अंशु गुप्ता