अजमेरनगरम्, १ जूनमासः (हि.स.)। केन्द्रीय-विधि-न्याय-मन्त्री अर्जुनराम-मेघवालः उक्तवान् यत् युवा यथा चिन्तयति, अन्ततः तथैव भवति। सकारात्मकाः विचाराः, अनुशासनं तथा श्रेष्ठ-सङ्गतिः एव सफलतायाः वास्तविक्य: कुञ्जिकाः सन्ति। सः विद्यार्थिनः आह्वयत् यत् ते महत: स्वप्नान् पश्येयुः, तेषां साकारकरणाय कठोरं परिश्रमं कुर्वन्तु, तथा च स्वामी-विवेकानन्दस्य डॉ.ए.पी.जे.अब्दुल-कलाम-महाभागस्य च जीवनात् प्रेरणां गृह्णीयुः। सः अजमेरनगरस्य जवाहर-रङ्गमञ्चे आयोजिते ‘विलक्षण-प्रतिभा-सम्मान-समारोहे’ सम्बोधितवान् आसीत्।

अजमेर-दक्षिण-विधायिका अनिता-भदेल-वर्या तथा पहल-जन-सेवा-संस्थानस्य तत्त्वावधाने आयोज्यमाने अस्मिन् समारोहे राज्य-केन्द्रीय-शिक्षा-परिषदयोः द्वादशकक्षायां नवतिप्रतिशताधिक-अङ्कान् प्राप्तवन्तः पञ्चशताधिक-द्वाविंशति (५२०) विद्यार्थिनः सम्मानिताः अभवन्। अस्मिन् कार्यक्रमे केन्द्रीय-कृषि-तथा-कृषक-कल्याण-राज्यमन्त्री भागीरथ-चौधरी-महाभागः अपि विशिष्ट-अतिथिरूपेण उपस्थितः आसीत्।

मेघवालः उक्तवान् यत् मानसिक-स्वास्थ्यं शारीरिक-स्वास्थ्यवत् एव महत्त्वपूर्णम् अस्ति। सकारात्मक-चिन्तनं मनुष्यं श्रेष्ठतायाः दिशि नयति, नकारात्मकतां निराशां च जनयति। सः विद्यार्थिनः आह्वानं कृतवान् यत् ते स्वक्षमतायां विश्वासं कुर्वन्तु, सत्पुरुष-सङ्गतिं स्वीकुर्वन्तु तथा भारतीय-जीवन-मूल्यानि आत्मसात्कुर्वन्तु। पर्यावरण-संरक्षणस्य सन्देशं दत्त्वा सः स्वयम् नियमितरूपेण साइकिल-चालनस्य उल्लेखं कृत्वा प्रकृतेः समीपस्थ-जीवनं चिन्तामुक्त-जीवनस्य आधारः इति उक्तवान्।

केन्द्रीय-राज्यमन्त्री भागीरथ-चौधरी उक्तवान् यत् शिक्षया सह संस्काराः, अनुशासनं तथा मितव्ययिता: अपि आवश्यकाः सन्ति। प्रतिभानां सम्मानः केवलं तेषां उपलब्धीनां अभिनन्दनं न, अपितु अन्येभ्यः विद्यार्थिभ्यः प्रेरणादानस्य माध्यमम् अपि अस्ति। सः यून: प्रति आह्वानं कृतवान् यत् ते मोबाइल-तथा-डिजिटल-संसाधनानां विवेकपूर्णं उपयोगं कुर्वन्तु, स्वदेशी-उत्पादान् अपनयन्तु तथा विकसित-भारतस्य निर्माणे सक्रियां भूमिकां वहन्तु।

विधायिका अनिता-भदेल उक्तवती यत् वर्षे २०२२ तः प्रारब्धस्य अस्य सम्मान-समारोहस्य माध्यमेन अद्यावधि द्विसहस्राधिकाः प्रतिभाशालिनः विद्यार्थिनः सम्मानिताः सन्ति। सा उक्तवती यत् समाजे प्रतिभानां न्यूनता नास्ति, आवश्यकता केवलं तेषां परिचयस्य प्रोत्साहनस्य च अस्ति। अस्मिन् वर्षे १३५ विद्यालयैः सह सम्पर्कं कृत्वा प्राप्तसूचनानां आधारात् ६७ विद्यालयानां ५२० विद्यार्थिनः चयनिताः, येभ्यः पदकम्, प्रमाणपत्रम् तथा स्वामी-विवेकानन्द-स्मृति-चिह्नं दत्त्वा सम्मानिताः।

Hindusthan Samachar / Divya Ranjan