नवदिल्ली, 01 जूनमासः (हि.स.)।

राष्ट्रियसुरक्षापरामर्शकः अजीत डोभालः अद्य प्रातःकाले अत्र म्यांमारदेशस्य राष्ट्रपतिना यू मिन आंग ह्लाइंग इत्यनेन सह मेलनम् अकरोत्।

म्यांमारदेशस्य राष्ट्रपतिः भारतयात्रायां शनिवासरे बोधगयां प्राप्तवान् आसीत्। सः बोधगयायां महाबोधिमन्दिरं तथा सुजातामन्दिरं दृष्ट्वा तस्मिन्नेव सायंकाले नवदिल्लीम् आगतः। शनिवासरे सायंकाले एव विदेशमन्त्री एस जयशंकरः तेन सह मेलनम् अकरोत्। रविवासरे सः भारत-म्यांमार-व्यापारमञ्चस्य सभायां सहभागित्वम् अकरोत्।

सोमवासरे प्रधानमन्त्रिणा नरेन्द्र मोदिना सह हैदराबाद-हाउस् इत्यत्र द्विपक्षीयसभायाः पूर्वं राष्ट्रीयसुरक्षासलाहकारः म्यांमारदेशस्य राष्ट्रपतिना सह मिलितवान्। ज्ञायते यत् भारत-म्यांमार-सीमाक्षेत्रे सुरक्षास्थितिः, उग्रवादीक्रियाकलापाः, अशान्तप्रदेशेभ्यः मणिपुर-मिजोरम्-प्रदेशयोः चिन-जनजातीयानां बहुसंख्यया शरणग्रहणम् इत्यादयः विषयाः चर्चिताः, ये भारतस्य राष्ट्रियसुरक्षायाः उपरि प्रभावं कुर्वन्ति।

अद्यतनकाले पूर्वोत्तरप्रदेशस्य उग्रवादिनः ड्रोन-प्रशिक्षणं दातुं आगतानां विदेशिनां नागरिकानां ग्रहणस्य पृष्ठभूमौ म्यांमार-शासनेन सह संवादः अत्यन्तं महत्त्वपूर्णः मन्यते।

---------------

Hindusthan Samachar / Dheeraj Maithani