Enter your Email Address to subscribe to our newsletters
सारण-जनपदम्, ०१ जूनमासः (हि.स.)। कला-साहित्य-क्षेत्रे समर्पिता अखिल-भारतीय-संस्था संस्कार-भारती इत्यस्य सारण-इकाइया छपरा-जंक्शन-परिसरस्थे श्री-संकटमोचन-बालाजी-मन्दिरे मासिक-संगीत-सन्ध्यायाः भव्यम् आयोजनं कृतम्।
दीर्घ-रात्रिपर्यन्तं सञ्चालितस्य अस्य कार्यक्रमस्य शुभारम्भः मुख्यातिथिना राष्ट्रीय-स्वयंसेवक-संघस्य उत्तर-बिहार-प्रान्त-कार्यवाहेन अभयकुमार-गर्गेण, विशिष्टातिथिना संस्कार-भारत्याः महामन्त्रिणा सुरभित-दत्तेन, प्रान्तीय-लोककला-विभागस्य सदस्यानां राजेशचन्द्र-मिश्रस्य तथा राहुल-मेहता इत्यनयोः सह, दीप-प्रज्वलनेन संयुक्तरूपेण कृतः।
स्वीय-सम्बोधने मुख्यातिथिः अभयकुमार-गर्गः अवदत् यत् गीत-संगीत-नृत्यादयः अस्माकं सनातन-संस्कृतेः अविभाज्या: भागा: सन्ति। संस्कार-भारती एतम् अमूल्यं सांस्कृतिक-धरोहरं जीवन्तं कर्तुं प्रशंसनीयम् कार्यं कुर्वती अस्ति। ततः संस्था-परम्परानुसारं मंजू-कुमारी तथा राजेशचन्द्र-मिश्रः ध्येय-गीतस्य प्रस्तुतिं कृतवन्तौ।
संगीत-सन्ध्यायाः आरम्भे विवेक-समदर्शी तथा विश्वनेक-समदर्शी इत्यनयोः दलं रामधुनं गीत्वा सम्पूर्णं वातावरणं भक्तिमयम् अकरोत्। ततः उदयनारायण-सिंहः, मनोज-बिहारी, सुधाकर-कश्यपः, राजकिशोरः, शुभम-सत्यम्, अशोक-पाण्डेयः इत्यादयः कलाकाराः शास्त्रीय-तथा-लोक-संगीतयोः मनोहराः प्रस्तुतयः दत्वा श्रोतॄन् मुग्धान् अकुर्वन्।
मञ्चस्य कुशल-निर्वाहः भंवर-किशोरेण कृतः। कार्यक्रम-संयोजकः धनञ्जय-कुमारः धन्यवाद-ज्ञापनं कृत्वा सामूहिक-वन्दे-मातरम्-गायनेन अस्य संगीत-सन्ध्यायाः समापनं कृतवान्।
Hindusthan Samachar / Divya Ranjan