फतेहपुरम्, 01 जूनमासः (हि.स.)। उत्तरप्रदेशस्य फतेहपुरजनपदे सोमवासरे पञ्चायतसहायककर्मचारीयूनियनस्य ध्वजतले पञ्चायतसहायकानां विभिन्नसमस्यानां मागणानां विषये मुख्यमन्त्रिणं सम्बोध्य ज्ञापनं जिलाधिकारी समर्पितम्।

ज्ञापने पञ्चायतसहायकानां मानदेयवृद्धिः सेवासुरक्षाप्रदानं तथा अन्यासां लम्बितमागणानां शीघ्रनिर्णयस्य अपेक्षा कृता।

यूनियनपदाधिकारिणः अवदन् यत् पञ्चायतसहायकाः ग्रामपञ्चायतेषु डिजिटलसेवानां प्रशासनिककार्याणां तथा शासनस्य जनकल्याणकारीयोजनानां सामान्यजनपर्यन्तं प्रापणकार्ये महत्त्वपूर्णां भूमिकां निर्वहन्ति। तथापि तेषां केवलं षट्सहस्ररूप्यकाणि प्रतिमासं मानदेयरूपेण प्रदीयन्ते यत् वर्तमानमहार्घताकाले जीवननिर्वाहाय पर्याप्तं नास्ति।

ते अवदन् यत् एतावता अल्पायेन परिवारस्य भरणपोषणं बालकानां शिक्षायाः चिकित्सासम्बद्धावश्यकतानां पूरणं च अत्यन्तं कठिनं जातम्।

ज्ञापने पञ्चायतसहायकानां मानदेयं वर्धयित्वा ग्रामपञ्चायतसचिवस्य समकक्षं त्रिंशत्सहस्ररूप्यकाणि प्रतिमासं कर्तुं अथवा न्यूनतमकुशलश्रमिकमितेः प्रवर्तनस्य याचना कृता। एतदतिरिक्तम् अनुबन्धव्यवस्थायाः समापनं कृत्वा स्थायिसेवानियमावलिः प्रवर्तनीया इति अपि मागणी कृता। ग्रामपञ्चायतअधिकारी ग्रामविकासअधिकारी च रिक्तपदानां नियुक्तौ पञ्चायतसहायकानां कृते पञ्चाशत्प्रतिशतारक्षणं दातुं विवाहानन्तरं महिला पञ्चायतसहायकानां स्थानान्तरणसमायोजननीतिः निर्मातुं तथा पञ्चायतसहायकानां तेषां परिवाराणां च आयुष्मानभारतयोजनया सह संयोजनस्य याचना अपि कृता।

यूनियनेन चेतावनी प्रदत्ता यत् यदि तेषाम् अपेक्षासु शीघ्रं समुचितनिर्णयः न क्रियते तर्हि प्रदेशस्य समस्ताः पञ्चायतसहायकाः आगामि पञ्चदशजूनदिनाङ्के लखनऊस्थिते ईकोगार्डन इयत्र शान्तिपूर्णधरनाप्रदर्शनं कर्तुं बाध्याः भविष्यन्ति।

अस्मिन् अवसरे जिलाध्यक्षः जितेन्द्रकुमाररायः जिलामहामन्त्री नकुलकुमारयादवः सहिताः यूनियनस्य अनेके पदाधिकारीणः पञ्चायतसहायकाश्च उपस्थिताः आसन्।

Hindusthan Samachar / Dheeraj Maithani