अभिनेतुः रणबीर कपूर इत्यस्य बहुप्रतीक्षित-चलचित्रम् ‘रामायणम्’ इत्यस्मिन् दर्शकाणां मध्ये महत्-उत्साहः दृश्यते। निर्देशकस्य नितेशतिवारिण: महाकाव्य-चित्रे अस्मिन् रणबीरः भगवतः श्रीरामस्य भूमिकां निर्वहिष्यति।

हाल-समये चित्रस्य प्रथम-दृश्य-प्रकाशनानन्तरं अस्य चर्चायाः वेगः अधिकः अभवत्। अस्मिन् एव प्रसंगे प्रसिद्धः निर्देशकः इम्तियाज: अली रणबीरस्य पात्र-विषये स्वमतं प्रकटितवान्।

एकस्मिन् संवादे इम्तियाज-अली उक्तवान् यत् भगवतः रामस्य पात्रस्य अभिनयः रणबीर-कपूरस्य कृते अत्यन्तं लाभदायकं सिद्धं भवितुम् अर्हति। तस्य मतानुसारं रणबीरः तेषु कलाकारेषु अन्यतमः अस्ति यः स्व-निर्वहित-पात्रेभ्यः प्रेरणां गृह्णाति तथा तेषु पूर्णतया आत्मलीनः भवति।

तेन उक्तं यत् श्रीरामस्य आदर्श-चरित्रस्य अभिनयेन रणबीरः न केवलं अभिनय-दृष्ट्या अपि तु जीवन-दृष्ट्या अपि बहूनि महत्वपूर्णां शिक्षां प्राप्स्यति। सः इदमपि अवदत् यत् कलाकारा: विविध-भूमिकाः निर्वहन् सततं नूतनं शिक्षते।

इम्तियाज-अली रणबीरस्य अभिनय-क्षमतां प्रशंसन् अवदत् यत् सः सर्वविध-भूमिकानां निर्वहणे सक्षमः अस्ति तथा रामस्य चरित्रं मानवीय-संवेदनाभिः सह वास्तविकतया च प्रस्तोतुं शक्नोति, येन दर्शकाः अस्मिन् पात्रे गहनतया सम्बद्धाः भविष्यन्ति।

उल्लेखनीयम् अस्ति यत् चित्रे ‘रामायणम्’ इत्यस्मिन् रणबीर-कपूरः, साई पल्लवी, यश:, सनी देओल तथा लारा दत्ता अपि महत्त्वपूर्ण-भूमिकासु दृश्यन्ते। चलचित्रस्य प्रथम-भागः दीपावली-२०२६-अवसरे प्रदर्शितः भविष्यति, यत् भारतीय-चलचित्र-इतिहासे एकं अत्यन्तं भव्यं प्रत्याशितं च प्रकल्पम् इति मन्यते।

Hindusthan Samachar / Divya Ranjan