जयपुरनगरम्, १ जूनमासः (हि.स.)। प्रधानमन्त्री-स्वनिधि (पीएम-स्वनिधि) योजनायाः सफल-षड्वर्ष-पूर्णतायाः उपलक्ष्ये जयपुर-नगर-निगमेन १ जूनतः ३० जूनपर्यन्तं लोक-कल्याण-मेलापकस्य आयोजनं क्रियते। अस्याः श्रृङ्खलायाः अन्तर्गतं जयपुर-नगर-निगमस्य तथा धनागारस्य संयुक्त-सहयोगेन अद्य नगर-निगम-मुख्यालये त्रिदिवसीयस्य विशेष-पीएम-स्वनिधि-ऋण-वितरण-शिविरस्य शुभारम्भः कृतः। एतत् विशेष-शिविरं १ जूनमासतः ३ जूनमासपर्यन्तं आयोज्यते, यस्य उद्देश्यं नगरस्य पथ-विक्रेतॄन् तथा असङ्घटित-क्षेत्रे कार्यरतान् लघु-व्यापारिणः आर्थिकरूपेण सशक्तीकर्तुं तथा व्यवसाय-विस्ताराय सरलां सुलभां च वित्तीय-सहायतां प्रदातुम् अस्ति।

शिविरस्य माध्यमेन पीएम-स्वनिधि-योजनायाः अन्तर्गतं पात्रेभ्यः नूतन-आवेदकेभ्यः प्रथम-चरणस्य १५ सहस्र-रूप्यक-पर्यन्तं ऋणं तथा यस-धनागारे लम्बितानां द्वितीय-चरण-ऋणानां २५ सहस्र-रूप्यक-पर्यन्तं ऋण-स्वीकृतिः क्रियते। अनेन लाभार्थिभ्यः विना-प्रतिभूतिं कार्यशील-पूञ्जी उपलब्धा भविष्यति, येन ते स्वव्यवसायं अधिकं सुदृढं कर्तुं शक्नुवन्ति।

शिविरस्य प्रथम-दिवसे स्थानीय-पथ-विक्रेतृषु विशेषः उत्साहः जागरूकता च दृष्टा। बहुसंख्यकाः लाभार्थिनः आवश्यक-तथ्यै: सह नगर-निगम-मुख्यालयम् उपस्थिताः। प्रथम-दिने द्वितीय-ऋणस्य ३० तथा प्रथम-ऋणस्य ५ आवेदकाः आवेदन-प्रक्रियायां सम्मिलिताः। तेषु द्वितीय-ऋणस्य २३ तथा प्रथम-ऋणस्य सर्वेषां ५ आवेदकानां ऋणानि यस-धनागारेण स्थले एव स्वीकृतानि, ऋण-वितरण-प्रक्रिया च प्रारब्धा।

जयपुर-नगर-निगमस्य अतिरिक्त-आयुक्तः नरेन्द्र-कुमार-बंसलः अवदत् यत् प्रधानमन्त्री-स्वनिधि-योजना केन्द्र-सर्वकारस्य महत्त्वाकाङ्क्षिणी जनकल्याणकारी च योजना अस्ति, यस्य उद्देश्यं लघु-व्यापारिणः पथ-विक्रेतॄंश्च आत्मनिर्भरान् कर्तुम् अस्ति। नगर-निगमः अस्याः योजनायाः लाभं अधिकाधिकेभ्यः पात्रेभ्यः जनेभ्यः प्रापयितुं निरन्तरं प्रयतते।

तेन उक्तं यत् यस-धनागारस्य सहयोगेन आयोजितः एतत् विशेष-शिविरं ३ जूनपर्यन्तं प्रवर्तिष्यते, यस्मिन् धनागारे लम्बितानां प्रथम-द्वितीय-ऋण-प्रकरणानां शीघ्र-निस्तारणं भविष्यति। अनेन पात्राः विक्रेतारः विना-प्रतिभूतिं सुलभां कार्यशील-पूञ्जीं प्राप्स्यन्ति, या तेषां व्यवसायाय नूतनां गतिं प्रदास्यति।

जयपुर-नगर-निगमेन आयोजितस्य लोक-कल्याण-मेलापकस्य माध्यमेन विविध-जनहितकारी-योजनानां सूचना लाभश्च सामान्य-जनान् प्रति प्राप्यते। पीएम-स्वनिधि-योजनायाः अन्तर्गतं आयोजितं एतत् विशेष-शिविरम् आत्मनिर्भर-भारतस्य संकल्पस्य साकारीकरणाय तथा लघु-व्यापारिणां आर्थिक-मुख्यधारया सह संयोजनाय महत्त्वपूर्णः उपक्रमः सिद्ध्यति।

Hindusthan Samachar / Divya Ranjan