Enter your Email Address to subscribe to our newsletters
देहरादूनम्, 01 जूनमासः (हि. स.)। राष्ट्रपतिः द्रौपदी मुर्मुः १३ जून दिनाङ्के भारतीयसैन्यअकादम्याः पासिंगआउटपरेड इत्यस्मिन्समारोहे मुख्यातिथिरूपेण सहभागित्वं करिष्यति।
राष्ट्रपतिः १२ जून दिनाङ्के द्विदिवसीयभ्रमणेन देहरादूननगरं प्राप्स्यति।
शासकीयप्रवक्त्रा सोमवासरे सूचना प्रदत्ता यत् राष्ट्रपतिः मुर्मु १२ तथा १३ जून दिनयोः द्विदिवसीयदेहरादूनदौरे भविष्यति। राष्ट्रपतिः १३ जून दिनाङ्के प्रातः ७:३० वादने अकादमीपरिसरे एव आईएमए इत्यस्य १५८तमस्य रेगुलरकोर्स इत्रस्य तथा १४१तमस्य टेक्निकल ग्रेजुएटपाठ्यक्रमस्य पासिंग् आउट् परेड् इत्यस्य सलामीं स्वीकरिष्यति तथा प्रशिक्षणं सफलतापूर्वकं सम्पन्नवन्तः जेन्टलमैन् कैडेट्स् इत्येतान् सम्बोधयिष्यति।
अस्मिन् अवसरे उत्कृष्टप्रदर्शनं कृतवन्तः सैनिकच्छात्राः सम्मानिताः अपि कर्तुं शक्यन्ते।
उल्लेखनीयम् अस्ति यत् भारतीयसैन्यअकादम्याः उत्तीर्णतापदप्रयाणं देशस्य प्रतिष्ठितसैन्यपरम्परासु अन्तर्भवति। अयं समारोहः तेषां कैडेट्स् कृते विशेषमहत्त्वं धारयति, ये कठोरसैन्यप्रशिक्षणं सम्पन्न्य भारतीयसेनायाम् अधिकारिरूपेण भवितुं योग्यता प्राप्तवन्तः।
राष्ट्रपतेः इदं भ्रमणं उत्तराखण्डराज्यस्य तथा विशेषरूपेण देहरादूननगरस्य कृते महत्त्वपूर्णः मन्यते। राष्ट्रपतेः आगमनं दृष्ट्वा प्रशासनस्य, सुरक्षासंस्थानां तथा सेनायाः पक्षतः सज्जताकार्याणि आरब्धानि सन्ति।
Hindusthan Samachar / Dheeraj Maithani