Enter your Email Address to subscribe to our newsletters
बिजनौर-जनपदः, १ जूनमासः (हि.स.)। उत्तरप्रदेशस्य मुख्यमन्त्री योगी-आदित्यनाथः सोमवासरे बिजनौरे आयोजिते समारोहे विभिन्न-योजनानां लाभार्थिभ्यः आवंटन-पत्राणि, धनादेशान्, गृह-कुञ्जिकाः तथा सम्मान-पत्राणि प्रदत्तवान्। मुख्यमन्त्रिणा कॉमन-सर्विस-केन्द्रम् तथा स्वयं-सहायता-समूहस्य महिलाभिः सञ्चालितस्य विदुर-प्रेरणा-कैफे इत्यस्य उद्घाटनमपि कृतम्।
मुख्यमन्त्रिणः हस्ताभ्यां विस्थापितानां भूतपूर्व-सैनिकानां च परिवाराणां भूमिधरी-अधिकार-पत्र-वितरणम्
मुख्यमन्त्रिणः हस्ताभ्यां पञ्च विस्थापित-परिवाराणां तथा पञ्च भूतपूर्व-सैनिक-परिवाराणां भूमिधरी-अधिकार-पत्राणि वितरितानि। पाकिस्तानात् विस्थापितेभ्यः मोहन-सिंहः, मुख्तियार-सिंहः, अमरीक-सिंहः, मिल्खा-सिंहः तथा लखविन्दर-कौर इत्येभ्यः अधिकार-पत्राणि प्रदत्तानि। भूतपूर्व-सैनिकानां पक्षे अनुपम-कुमारः, चांदी-देव्याः पुत्रः जयदीपः, जगमोहन-सिंहः, जयकृत-सिंहः तथा सुरेश-कुमारः भूमेः स्वामित्व-अधिकारं प्राप्तवन्तः।
मुख्यमन्त्री अस्मिन् अवसरे केन्द्र-प्रदेश-सर्वकारयोः विविध-कल्याणकारी-योजनानां लाभान् अपि अनेकभ्यः लाभार्थिभ्यः प्रदत्तवान्। तेषु—
सिद्धान्त-त्यागी — एकीकृत-बागवानी-योजना अन्तर्गतं २४-लक्ष-रूप्यकाणां अनुदान-धनादेशः।
निर्मला-देवी — स्वयं-सहायता-समूह-धनागार-संयोजन-योजना अन्तर्गतं १८४-कोटि-रूप्यकाणां धनादेशः।
ज्योतिः — पीएम-जनमन-योजना अन्तर्गतं द्वि-लक्ष-रूप्यकाणां अनुदानं तथा गृह-कुञ्जिका।
पुष्पा-प्रजापति: — मुख्यमन्त्री-युवा-उद्यमी-विकास-अभियानम् अन्तर्गतं पञ्च-लक्ष-रूप्यकाणां सहायता।
हरीश-कुमारः — मुख्यमन्त्री-युवा-उद्यमी-विकास-अभियानम् अन्तर्गतं पञ्च-लक्ष-रूप्यकाणां सहायता।
शहाना — मुख्यमन्त्री-आवास-योजना (ग्रामीण) अन्तर्गतं गृह-कुञ्जिका।
सन्दीप-कुमारः — चतुर्-लक्ष-रूप्यकाणां अनुदानम्।
शबनम् — प्रधानमन्त्री-स्ट्रीट-वेण्डर्स्-आत्मनिर्भर-निधि-योजना अन्तर्गतं पञ्चाशत्-सहस्र-रूप्यकाणां धनादेशः।
सृष्टि-चौहान — जनपदे उच्च-माध्यमिक-परीक्षायां सर्वाधिक-अङ्क-प्राप्त्यर्थं एकविंशति-सहस्र-रूप्यकाणि, टैबलेट-यन्त्रम् तथा पदकम्।
प्रवेश-कुमारः — नन्द-बाबा-दुग्ध-मिशन अन्तर्गतं २१.८७-लक्ष-रूप्यक-मूल्यस्य ऋण-स्वीकृति-पत्रम्।
एवं मुख्यमन्त्रिणा विविध-योजनानां माध्यमेन लाभार्थिनां सशक्तीकरणाय तथा सामाजिक-आर्थिक-विकासाय सर्वकारस्य प्रतिबद्धता पुनः उद्घोषिता।
Hindusthan Samachar / Divya Ranjan