-राजस्वेन आरक्षिदलेन च संबद्धेषु प्रार्थना पत्रेषु मुख्यमंत्री समय सीमायां समस्याः समाधातुं दत्तवान् आदेशम्

लखनऊ, 01 जूनमासः (हि. स.)। मुख्यमन्त्री योगी आदित्यनाथः सोमवासरे स्वस्य सर्वकारीयावासे ‘जनता दर्शन’ कार्यक्रमम् अकरोत्। तेन प्रदेशस्य विविधभागेभ्यः आगतानां जनानां सह मेलनं कृतम्। तेषां प्रार्थनापत्राणि स्वीकृतानि तथा च उचितकार्यवाह्याः आश्वासनं दत्तम्। राजस्व तथा पुलिससम्बद्धान् विषयान् मुख्यमन्त्री अशृणोत् तथा च सम्बद्धाधिकारिभ्यः प्रार्थनापत्राणि दत्त्वा उक्तवान् यत् सामान्यजनस्य समस्याः समयसीमायाः अन्तर्गतं निराकर्तव्याः। विलम्बस्य स्थितौ सम्बद्धाधिकारिणः उत्तरदायित्वम् अपि निर्धारितव्यं भवेत्।

मुख्यमन्त्री योगी केचन बालकान् शिक्षायाः विषये अपि अपृच्छत् तथा च अभिभावकेभ्यः उक्तवान् यत् बालकाः अवश्यं विद्यालयं प्रेषणीयाः, यतः शिक्षितः बालकः एव सशक्तभारतस्य आधारशिला अस्ति।

मुख्यमन्त्री योगिनः समक्षं राजस्व तथा पुलिससम्बद्धाः केचन विषयाः अपि आगताः। मुख्यमन्त्रिणा तेषां संज्ञानं गृहीतम् तथा च उक्तं यत् लंबितराजस्ववादानां समयसीमायाः अन्तर्गतं निस्तारणं क्रियताम्। षण्मासात् अधिककालं लंबितानां वादानां कारणानां समीक्षा क्रियताम्। उचितकारणस्य अभावेऽपि यदि निस्तारणे विलम्बः भवति तर्हि सम्बद्धव्यक्तेः विरुद्धं कार्यवाही सुनिश्चितीक्रियताम्।

मुख्यमन्त्री उक्तवान् यत् अस्माकं सरकारस्य प्राथमिकता अस्ति यत् प्रत्येकस्य आवश्यकतायुक्तस्य व्यक्तेः समस्यायाः समाधानं भवेत्। अधिकारिणः पूर्णसंवेदनशीलतया सुनिश्चितं कुर्वन्तु यत् भेदभावं विना सर्वेभ्यः न्यायः तथा च प्रत्येकस्मै पात्राय योजनानां लाभः प्राप्यते, आवश्यकतायुक्तानां समुचितचिकित्सायाः व्यवस्था च भवेत्। आवश्यकतायुक्तस्य मुखे प्रसन्नतां आनयितुं शासनप्रशासनस्य दायित्वम् अस्ति।

पुत्रि! त्वं केवलं अध्ययनं कुरु, शेषं सर्वम् अस्मासु त्यज

हापुड़नगरात् एका बालिका स्वस्य अभिभावकेन सह आगता आसीत्। तया स्वपरिवारस्य आर्थिकस्थितेः उल्लेखः कृतः। मुख्यमन्त्रिणा पृष्टं यत् सा कस्मिन् कक्षायां पठति, अस्य उत्तररूपेण बालिकया सप्तमीकक्षा उक्ता तथा च अग्रिमशिक्षायां आगच्छन्तीनां बाधानाम् अपि उल्लेखः कृतः। अस्मिन् मुख्यमन्त्री उक्तवान् यत् गृहं गच्छ तथा केवलम् अध्ययनं कुरु, शेषं सर्वम् अस्मासु त्यज। अभिभावकं प्रति उक्तं यत् शिक्षितः बालकः एव सशक्तभारतस्य आधारशिला अस्ति। अधिकारिणः भवता सह सम्पर्कं करिष्यन्ति, भवन्तः बालकान् अवश्यं विद्यालयं प्रेषयन्तु।

---------------

Hindusthan Samachar / Dheeraj Maithani