Enter your Email Address to subscribe to our newsletters
किशनगंजः, 10 जूनमासः (हि.स.)।राज्यसर्वकारस्य सामाजिकसुरक्षावृत्तियोजनानाम् अन्तर्गतं किशनगञ्जजनपदस्य एकलक्षैकत्रिंशत्सहस्र एकोनविंशति लाभार्थिनां वित्तकोषे प्रत्यक्षलाभहस्तान्तरण माध्यमेन वृत्तेः धनराशिः स्थानान्तरितः।
अस्याः योजनायाः अन्तर्गतं जनपदस्य लाभुकानां कृते कुलतः चतुर्दशकोटि चतुरशीतिलक्ष अष्टाविंशतिसहस्र रूप्यकाणां धनराशिः प्रत्यक्षतया तेषां कोषे प्रेषितः।
सूचनानुसारं बिहारसर्वकारेण सञ्चालितासु सामाजिकसुरक्षावृत्तियोजनासु वृद्धजनानां विधवानां दिव्याङ्गजनानां च सहितं समाजस्य दुर्बलवर्गेभ्यः आर्थिकसहायता प्रदीयते। सम्प्रति राज्ये षट्प्रकारिकाः सामाजिकसुरक्षावृत्तियोजनाः सञ्चाल्यन्ते।
मुख्यमन्त्रिणा बुधवासरे राज्यस्तरीयकार्यक्रमस्य समये सर्वेषां लाभुकानां बैङ्कलेखासु जून द्विसहस्रषड्विंशतिवर्षस्य मासस्य वृत्तिधनराशिः प्रत्यक्षलाभहस्तान्तरणमाध्यमेन स्थानान्तरिता। सम्पूर्णराज्ये कुलतः चतुःनवतिलक्ष एकोनत्रिंशत्सहस्र षट्शत अष्टनवतिलाभुकेभ्यः प्रतिलाभुकं एकसहस्र शतरूप्यकाणां मानेन कुलतः एकसहस्र षण्णवतिः कोटि चतुश्चत्वारिंशल्लक्ष षट्चत्वारिंशत्सहस्र रूप्यकाणां धनराशिः प्रत्यक्षतया कोषे प्रेषिता।
किशनगञ्जजनपदस्य अपि एकलक्षैकत्रिंशत्सहस्राधिक लाभुकाः अस्य लाभं प्राप्तवन्तः। अस्मिन् अवसरे राज्यस्तरीयकार्यक्रमस्य आयोजनं दूरदृश्यसञ्चारमाध्यमेन कृतम्। किशनगञ्जे अस्य मुख्यकार्यक्रमः समाहरणालयस्थिते एनआईसी कक्षे आयोजितः, यत्र अधिकारिणः लाभुकाः च कार्यक्रमस्य प्रत्यक्षप्रसारणं दृष्टवन्तः।
कार्यक्रमस्य आरम्भः सहायकनिदेशिका सामाजिकसुरक्षाकोषाङ्गस्य श्रीति कुमारी इत्यया कृतः। तया सामाजिकसुरक्षावृत्तियोजनानां विषये सूचना प्रदत्ता तथा च उक्तं यत् अधुना प्रतिमासस्य दशमदिने लाभुकानां लेखासु प्रत्यक्षलाभहस्तान्तरणमाध्यमेन वृत्तिधनराशिः प्रेषिता भविष्यति।
तया उक्तं यत् एषा व्यवस्था लाभार्थिभ्यः समये आर्थिकसहायतां प्रदातुं सहायिका भविष्यति। जिलाधिकारी विशाल राज उक्तवान् यत् राज्यसर्वकारः समाजस्य अन्तिमजनपर्यन्तं विकासस्य लाभं प्रापयितुं प्रतिबद्धः अस्ति। सामाजिकसुरक्षावृत्तियोजनाः वृद्धजनानां विधवानां अन्येषां आवश्यकतायुक्तजनानां च कृते आर्थिकसमर्थनरूपेण कार्यं कुर्वन्ति।
तेन उक्तं यत् सर्वकारः जिलाप्रशासनं च दुर्बलवर्गस्य कल्याणाय तेषां जीवनस्तरस्य उन्नयनाय च निरन्तरं प्रयत्नशीलौ स्तः।
कार्यक्रमे उपविकासायुक्तः प्रदीप कुमार झा, कोषागाराधिकारी चन्दन कुमारः, सामाजिकसुरक्षाकोषाङ्गस्य अधिकारिणः कर्मचारिणः तथा च बहुसंख्यकाः वृत्तिलाभुकाः उपस्थिताः आसन्। लाभुकाः अस्य उपक्रमस्य विषये प्रसन्नतां व्यक्त्वा सर्वकारस्य प्रति कृतज्ञताम् अपि प्रकटितवन्तः।
Hindusthan Samachar / Dheeraj Maithani