नव दिल्ली, 10 जूनमासः (हि.स.)।

केन्द्रे प्रधानमन्त्रिणः नरेन्द्र मोदिनः नेतृत्वयुक्तस्य सर्वकारस्य द्वादशवर्षाणां पूर्णतायाः अवसर उपलक्ष्य बुधवासरे भारतीयजनता पक्षेन दिल्लीनगरे विशेषधार्मिककार्यक्रमाणाम् आयोजनं कृतम्।

अस्मिन् अवसरे पक्षस्य वरिष्ठनेतृभिः कार्यकर्तृभिः च विभिन्नेषु मन्दिरेषु धार्मिकस्थलेषु च गत्वा प्रधानमन्त्रिणः नरेन्द्र मोदी इत्यस्य दीर्घायुषः स्वस्थस्य सफलनेतृत्वस्य च कामना कृता। दिल्लीनगरस्य अनेकेषु प्राचीनमन्दिरेषु भारतीयजनता पक्षस्य नेतृणाम् उपस्थितिः दृष्टा। दिल्लीनगरस्य मुख्यमन्त्री रेखा गुप्ता, केन्द्रीयमन्त्री धर्मेन्द्र प्रधान, भारतीयजनता पक्षस्य राष्ट्रीयाध्यक्षः नितिन नवीन, केन्द्रीयमन्त्री जेपी नड्डा, गिरिराज सिंह, कृषिमन्त्री शिवराज सिंह चौहान, पीयूष गोयल सहिताः अनेकाः वरिष्ठनेतारः पृथक् पृथक् मन्दिरेषु पूजार्चनां कृतवन्तः।

भारतीयजनता पक्षस्य राष्ट्रीयाध्यक्षः नितिन नवीन दिल्लीनगरस्य भारतीयजनता पक्षाध्यक्षेन हर्ष मल्होत्रा तथा सांसदेन बांसुरी स्वराज सह झण्डेवालान देवी मन्दिरे दर्शनं कृत्वा प्रधानमन्त्रिणः मोदी इत्यस्य दीर्घकालीननेतृत्वाय प्रार्थनां कृतवान्। अन्यत्र मन्दिरमार्गस्थिते भगवान वाल्मीकि मन्दिरे स्वाति मालीवाल तथा भारतीयजनता पक्षस्य राष्ट्रीयमहासचिवः अरुण सिंह पूजार्चनां कृतवन्तौ।

द्वादशवर्षाणां पूर्णतायाः अवसर उपलक्ष्य नितिन नवीन उक्तवान् यत् प्रधानमन्त्रिणः मोदी इत्यस्य नेतृत्वे देशेन आतंकवादस्य विरुद्धं निर्णायककार्यवाही, अनुच्छेद त्रिशतसप्तत्याः निरसनम्, जम्मू कश्मीरप्रदेशे विकासः, विश्वस्तरीय राजमार्गजालस्य निर्माणम्, डिजिटल भारत अभियानम् तथा विश्वस्य महत्तमः टीकाकरणाभियानम् इत्यादयः ऐतिहासिकाः उपलब्धयः प्राप्ताः।

प्रधानमन्त्री नरेन्द्र मोदी अद्य सायंकाले भारत मण्डपम् इत्यत्र आयोजितायां महत्त्वपूर्णायां उपवेशने एनडीए शासनयुक्तराज्यानां मुख्यमन्त्रिभिः उपमुख्यमन्त्रिभिः वरिष्ठनेतृभिः च सह आगामिरणनीतिषु चर्चा करिष्यति।

उल्लेखनीयम् अस्ति यत् प्रधानमन्त्री नरेन्द्र मोदी भारतस्य लोकतान्त्रिक इतिहासे सर्वाधिककालपर्यन्तं सेवां कृतवान् निर्वाचितप्रधानमन्त्री अभवत्। तेन पूर्वप्रधानमन्त्री जवाहर लाल नेहरू इत्यस्य अभिलेखं अतिक्रम्य कुलतः चतुःसहस्रत्रिशतनवनवतिनव दिनानि प्रधानमन्त्रिपदरूपेण देशस्य शासनभारः वहितः।

---------------

Hindusthan Samachar / Dheeraj Maithani