नवदेहली, १० जूनमासः (हि.स.)। प्रधानमन्त्रीनरेन्द्रमोदिनः देशस्य निर्वाचितप्रधानमन्त्रीरूपेण सर्वाधिक-दीर्घकार्यकालस्य पूर्त्यवसरे भारतीय-जनतापक्षस्य राष्ट्रियाध्यक्षः नितिननवीनः बुधवासरे नवदेहल्यां झण्डेवालान-मन्दिरे विशेषपूजाऽर्चनां कृत्वा प्रधानमन्त्री-नरेन्द्रमोदिनः दीर्घायुषः, उत्तमस्वास्थ्यस्य तथा सफल-दीर्घ-नेतृत्वकालस्य च कृते प्रार्थनां कृतवान्।

अस्मिन् अवसरे दिल्ली-प्रदेश-भाजपाध्यक्षः हर्षमल्होत्रः, सांसदः बांसुरी-स्वराजः तथा भाजपायाः राष्ट्रिय-मीडिया-सहप्रमुखः संजयमयूखः अपि उपस्थिताः आसन्, ते च झण्डेवालीदेव्याः चरणयोः प्रधानमन्त्रीनरेन्द्रमोदिनः दीर्घ-जनकल्याणकारी-नेतृत्वाय विशेषपूजां कृत्वा प्रार्थनां कृतवन्तः।

भाजपा-नेतारः उक्तवन्तः यत् प्रधानमन्त्रीनरेन्द्रमोदिनः नेतृत्वे भारतं विकासस्य, सुशासनस्य तथा वैश्विकप्रतिष्ठायाः नूतनान् आयामान् स्थापयति। तस्य नेतृत्वे देशः निरन्तरं प्रगतेः पथि अग्रसरः अस्ति तथा जनानां विश्वासः समर्थनं च सततं सुदृढं भवति।

Hindusthan Samachar / Divya Ranjan