Enter your Email Address to subscribe to our newsletters
जगदलपुरम्, 10 जूनमासः (हि.स.)।
बस्तरजिलापत्रकारसंघस्य आह्वानेन पत्रकारसुरक्षाविधेः प्रभावीकार्यन्वयनस्य पत्रकाराणां विरुद्धं च अन्वेषणं विना प्रत्यक्षतया प्राथमिकी अभिलेखनस्य घटनानां विरोधार्थं बस्तरजिलापत्रकारसंघेन एकादश जूनदिनाङ्के जगदलपुरनगरे महाधरणाप्रदर्शनस्य आयोजनस्य घोषणा कृता। अस्मिन् आन्दोलनकार्यक्रमे बस्तरसम्भागस्य विभिन्नजनपदेभ्यः बहुसंख्यया पत्रकाराणां सहभागिता सम्भाव्यते।
बस्तरजिलापत्रकारसंघस्य अध्यक्षः मनीष गुप्त बुधवासरे उक्तवान् यत् प्रदेशे पत्रकारसुरक्षाविधिः प्रवर्तितः सन् अपि बहुषु प्रकरणेषु तस्य प्रावधानानां पालनं न क्रियते। अस्य विधेः उद्देश्यः पत्रकारेभ्यः निष्पक्षतया निर्भयतया च कार्यकरणार्थम् आवश्यकसुरक्षां प्रदातुम् अस्ति, किन्तु व्यावहारिकस्तरे अनेकासु घटनासु निर्धारितप्रक्रियायाः उपेक्षा क्रियते।
संघस्य पदाधिकारिणः आरोपं कुर्वन्ति यत् पत्रकारसम्बद्धेषु प्रकरणेषु विधिनिर्दिष्टां आवश्यकपरिशीलनपरीक्षणप्रक्रियां पूर्णां विना प्रत्यक्षतया प्राथमिकी अभिलेखिता भवति। तेषां मतम् अस्ति यत् एतादृशी कार्यवाही न केवलं पत्रकारसुरक्षाविधेः मूलभावनायाः विरुद्धा अस्ति, अपितु अनेन पत्रकाराणां स्वतन्त्रकार्यप्रणाली अपि प्रभाविता भवति।
बस्तरजिलापत्रकारसंघस्य कथनम् अस्ति यत् कस्यापि शिकायतायाः विवादस्य वा स्थितौ प्रथमं निर्धारितप्रक्रियानुसारं अन्वेषणं भवेत्, ततः एव अग्रिमकार्यवाही क्रियेत।
पत्रकारसंघेन उक्तं यत् लोकतान्त्रिकव्यवस्थायां पत्रकाराणां भूमिका अत्यन्तं महत्त्वपूर्णा अस्ति। पत्रकाराः समाजस्य शासनस्य च मध्ये सेतुरूपेण कार्यं कुर्वन्ति तथा च जनहितसम्बद्धानां विषयाणां प्रकाशने महत्त्वपूर्णां भूमिकां निर्वहन्ति। अतः पत्रकाराणां विरुद्धं कस्यापि कार्यवाह्याम् पारदर्शिता विधिसम्मतप्रक्रियायाः पालनं च आवश्यकम् अस्ति, येन निष्पक्षपत्रकारिता न प्रभाविताभवेत्।
बस्तरजिलापत्रकारसंघेन स्पष्टं कृतं यत् प्रस्तावितं धरणाप्रदर्शनं कस्यापि व्यक्तेः संस्थायाः विभागस्य वा विशेषविरोधार्थं न अस्ति।
---------------
Hindusthan Samachar / Dheeraj Maithani