Enter your Email Address to subscribe to our newsletters
- धरमपुरी स्थिते काशी विश्वनाथ धाम मंदिरे प्रधानमंत्रिणो दीर्घायुषः एवं उत्तम स्वास्थ्यस्य कामना कृता
इंदौरम्, 10 जूनमासः (हि.स.)।
मध्यप्रदेशस्य जलसंसाधनमन्त्री तुलसीराम सिलावट बुधवासरे प्रधानमन्त्रिणो नरेन्द्र मोदिनः ऐतिहासिकद्वादशवर्षपूर्णताया अवसरे इन्दौरजिलायाः सांवेरविधानसभाक्षेत्रस्य धरमपुरीस्थे काशीविश्वनाथधाममन्दिरे विशेषपूजनं आराधनां च अकरोत्। अस्मिन् अवसरे प्रधानमन्त्री मोदी इत्यस्य उत्तमस्वास्थ्यस्य दीर्घायुषः राष्ट्रस्य च निरन्तरविकासस्य कामना कृता।
मन्त्री सिलावट वैदिकमन्त्रौच्चारणस्य मध्ये भगवान् शिवस्य अभिषेकं कृत्वा देशस्य समृद्ध्यै विकासाय जनकल्याणाय च प्रार्थनाम् अकरोत्। सः अवदत् यत् प्रधानमन्त्रिणो मोदिनो नेतृत्वे भारतदेशेन अतीतेषु द्वादशवर्षेषु विकासे सुशासने आत्मनिर्भरतायां जनसेवायां च उल्लेखनीयाः उपलब्धयः प्राप्ताः। तस्य नेतृत्वे देशेन वैश्विकस्तरे नवीनां परिचयं प्राप्तम् तथा च कोटिशः नागरिकाणां जीवने सकारात्मकपरिवर्तनम् आगतम्।
अस्मिन् प्रसङ्गे सिलावट अवदत् यत् प्रधानमन्त्री मोदी द्वारा सञ्चालिताः जनधनयोजना आयुष्मानभारतयोजना उज्ज्वलायोजना स्वच्छभारताभियानं प्रधानमन्त्री आवासयोजना इत्यादयः अनेकाः जनहितैषिण्यः योजनाः समाजस्य अन्तिमजनपर्यन्तं विकासस्य लाभं प्रापितवन्त्यः। महिलासशक्तीकरणे दरिद्रकल्याणे युवभ्यः अवसरप्रदाने च दिशि अपि ऐतिहासिकानि कार्याणि सम्पन्नानि।
कार्यक्रमे क्षेत्रस्य जनप्रतिनिधयः बहुसंख्यया श्रद्धालवः गणमान्यनागरिकाः च उपस्थिताः आसन्। सर्वे प्रधानमन्त्री नरेन्द्र मोदी इत्यस्य नेतृत्वस्य प्रशंसां कृत्वा तस्य स्वस्थदीर्घजीवनस्य कामनां कृतवन्तः। कार्यक्रमस्य समापनं महारत्या प्रसादवितरणेन च अभवत्।
---------------
हिन्दुस्थान समाचार / Dheeraj Maithani