नवदिल्ली, 10 जूनमासः (हि.स.)।

भारतस्य प्रधानमन्त्रिपदे दीर्घतमकालपर्यन्तं तथा निरन्तरं निर्वाचितः प्रधानमन्त्री इति अभिलेखं निर्मितवन्तं नरेन्द्र मोदी इत्यस्मै विश्वस्य विभिन्नदेशानां नेतारः अभिनन्दनानि शुभकामनाश्च प्रेषितवन्तः। प्रधानमन्त्रिपदस्य शपथग्रहणानन्तरं नरेन्द्र मोदी स्वस्य प्रथमं विदेशभ्रमणं भूटानदेशं गतवान्। भूटानस्य प्रधानमन्त्री शेरिंग तोबगे प्रधानमन्त्रिणं नरेन्द्र मोदी इत्येनं अभिनन्द्य तम् स्वमित्रं भ्रातरं मार्गदर्शकं च इति कथितवान्।

श्रीलङ्कादेशस्य राष्ट्रपतिः अनुरा कुमारा दिसानायके प्रधानमन्त्रिणं मोदी इत्येनं अभिनन्दितवान् तथा च उभयदेशयोः मध्ये दीर्घकालिकसम्बन्धान् अधिकं दृढीकर्तुं श्रीलङ्कादेशस्य प्रतिबद्धतां रेखाङ्कितवान्। भारतस्थेन श्रीलङ्कादेशस्य उच्चायोगेन अपि राष्ट्रपतेः दिसानायके इत्यस्य सन्देशः भारतं श्रीलङ्कां च प्रेषितः, यस्मिन् उभयदेशयोः मध्ये सन्निकृष्टायाः दीर्घकालिकसाझेदार्याः पुनः पुष्टि कृता।

मलेशियादेशस्य प्रधानमन्त्री अनवर इब्राहिम प्रधानमन्त्रिणः मोदी इत्यस्य उपलब्धीनां तस्य बहुवर्षीयसमर्पितजनसेवायाः नेतृत्वस्य च प्रमाणरूपेण वर्णनं कृतवान्। सः अवदत् यत् एषा उपलब्धिः भारतस्य विकासाय समृद्धये च तथा देशस्य स्थितेः दृढीकरणाय तस्य दीर्घकालीनसमर्पितजनसेवायाः नेतृत्वस्य च प्रमाणम् अस्ति। सः भारतेन सह घनिष्ठदीर्घकालिकमित्रतायाः महत्त्वं प्रतिपाद्य द्विपक्षीयसम्बन्धान् सुदृढीकर्तुं उभयदेशयोः जनानां कृते अवसराणां विस्तारार्थं च सहयोगस्य निरन्तरतां प्रति आशां व्यक्तवान्। सहैव प्रधानमन्त्रिणः मोदी इत्यस्य निरन्तरसफलतायै भारतस्य जनानां कृते च निरन्तरशान्तेः प्रगतेः समृद्धेः च कामनाम् अकरोत्।

नाइजीरियादेशस्य राष्ट्रपतिः बोला अहमद तिनबू प्रधानमन्त्रिणं मोदी इत्येनं प्रति भारतस्य जनतया निरन्तरत्रिषु कार्यकालेषु तस्य नेतृत्वे प्रदर्शितस्य विश्वासस्य उल्लेखं कृतवान्। राष्ट्रपतिः तिनबू भारत नाइजीरिया सम्बन्धयोः सुदृढीकरणे प्रधानमन्त्रिणः मोदी इत्यस्य योगदानं रेखाङ्कितवान् तथा तस्य निरन्तरस्वास्थ्याय प्रज्ञायै सफलतायै च शुभकामनाः प्रदत्तवान्। सः अवदत् यत् प्रधानमन्त्री मोदी नाइजीरियादेशस्य महान् मित्रम् एव न केवलं अपितु तस्य व्यक्तिगतः मित्रः विश्वसनीयः सहयोगी च अस्ति।

मालदीवदेशस्य राष्ट्रपतिः डॉ मोहम्मद मुइजू प्रधानमन्त्रिणं अभिनन्द्य परस्परसम्मानस्य सार्वभौमसमानतायाः साझहितानां च आधारेण भारतेन सह सहयोगं अधिकं सुदृढीकर्तुं स्वदेशस्य इच्छां व्यक्तवान्।

केन्यादेशस्य राष्ट्रपतिः विलियम समोई रूटो एतत् भारतस्य जनतया तस्य नेतृत्वे स्थापितस्य विश्वासस्य प्रतीकं इति अवदत्। सः उभयदेशयोः पारस्परिकलाभार्थं भारतेन सह सहयोगं अधिकं गहनं कर्तुं केन्यादेशस्य प्रतिबद्धताम् अपि व्यक्तवान्।

दक्षिणकोरियागणराज्यस्य राष्ट्रपतिः ली जे म्योंग भारतस्य विकासे प्रगतेश्च प्रधानमन्त्रिणः मोदी इत्यस्य भूमिकां महत्त्वपूर्णाम् अवदत् तथा कोरिया भारत विशेषरणनीतिकसहकारिताम् अधिकं अग्रे नेतुं विश्वासं व्यक्तवान्।

इटलीदेशस्य प्रधानमन्त्री जॉर्जिया मेलोनी प्रधानमन्त्रिणे मोदिने अभिनन्दितवती। सा रोम नगरे जातस्य स्वस्य समीपकालीनसाक्षात्कारस्य स्मरणं कृत्वा उभयदेशयोः तयोः जनयोः हितार्थं भारत इटली विशेषरणनीतिकसहकारितां अधिकं प्रगतिपथं नेतुं स्वप्रतिबद्धतां व्यक्तवती।

---------------

Hindusthan Samachar / Dheeraj Maithani