Enter your Email Address to subscribe to our newsletters
नव दिल्ली, 10 जूनमासः (हि.स.)। तृणमूल कांग्रेस पक्षस्य वरिष्ठनेत्री राज्यसभासंसदा च सुष्मिता देव बुधवासरे राज्यसभासदस्यतायाः त्यागपत्रं प्रदत्तवती। त्यागपत्रप्रदानानन्तरं सा असमराज्यस्य मुख्यमन्त्रिणा हिमन्त बिस्वा सरमा इत्यनेन सह मिलितुं गता, यस्याः चित्राणि अपि प्रकाशं प्राप्तानि।
तया राज्यसभायाः सभापतये सीपी राधाकृष्णन इत्यस्मै लिखिते त्यागपत्रे उक्तं यत् सा तात्कालिकप्रभावेण राज्यसभासदस्यतायाः त्यागं करोति। स्वकार्यकालस्य समये तस्याः सभापतेः उपसभापतेः राज्यसभासचिवालयस्य सर्वेषां अधिकारिणां च सहयोगः प्राप्तः, यस्य कृते सा कृतज्ञता व्यक्तवती।
सुष्मिता देव इत्यस्याः त्यागपत्रम् तस्मिन् समये आगतम् यदा तृणमूल कांग्रेस पक्षः पूर्वमेव आन्तरिकासन्तोषस्य नेतृणां पक्षत्यागस्य च घटनानां सामना करोति। प्रथमं मई मासे राज्यविधानसभायां पक्षस्य उच्चनेतृत्वेन शोभनदेब चट्टोपाध्याय इत्यस्य विपक्षनेतृत्वे नियुक्तेः निर्णयः कृतः आसीत्। किन्तु पक्षस्य अशीतिसंख्याकेषु विधायकेषु अष्टपञ्चाशत् विधायकाः पक्षस्य उच्चनेतृत्वस्य निर्णयस्य विरोधं कृत्वा विद्रोहिणं विधायकं ऋतब्रत बनर्जी इत्यं विपक्षस्य नेतारं निर्वाचितवन्तः।
ततः अनन्तरं पक्षस्य अष्टाविंशति लोकसभासदस्येषु प्रायः विंशति सदस्याः लोकसभाध्यक्षाय ओम बिरला इत्यस्मै पत्रं लिखित्वा भारतीय जनता पक्षस्य नेतृत्वयुक्तस्य राष्ट्रियजनतान्त्रिकगठबन्धनस्य समर्थनं दातुं पृथक् समूहस्य निर्माणस्य च इच्छां प्रकटितवन्तः। एतत् पक्षस्य वरिष्ठसांसदा काकोली घोष दस्तीदार इत्यनया सार्वजनिकरूपेण स्वीकृतम्।
तृणमूल कांग्रेस पक्षे सुष्मिता देव इत्यस्याः पूर्वमपि अनेकानि त्यागपत्राणि विभाजनानि च अभवन्। अतीव समीपे अष्टम जूनदिनाङ्के वरिष्ठनेता राज्यसभासांसदः सुखेन्दु शेखर राय त्यागपत्रं प्रदत्तवान्। तेन पक्षनेतृत्वस्य उपरि भ्रष्टाचारस्य कुप्रबन्धनस्य च आरोपः कृतः तथा च भारतीय जनता पक्षस्य सरकारस्य प्रशंसा कृता।
तस्मात् पूर्वं स्थानीयनिकायेषु अपि पक्षः आघातं प्राप्तवान् यदा सप्तविंशत्यधिकशतं पार्षदाः नेतारः च सामूहिकरूपेण त्यागपत्राणि प्रदत्तवन्तः। एतेषु कञ्चरापाड़ा तथा हालीशहर नगरपालिकयोः दशाधिकाः पार्षदाः अपि समाविष्टाः आसन्।-------------
Hindusthan Samachar / Dheeraj Maithani