कोलकाता, 10 जूनमासः (हि. स.)।

प्रधानमन्त्रिणः नरेन्द्र मोदिनः उत्तमस्वास्थ्याय दीर्घायुषे निरन्तरराष्ट्रसेवायाः शक्त्यै च कामनां कुर्वन्ती पश्चिमबङ्गालस्य महिला शिशुकल्याण तथा नगरविकासमन्त्री अग्निमित्रा पॉल बुधवासरे गुवाहाटीस्थिते कामाख्या मन्दिरे विशेषपूजार्चनां कृतवती।

अस्मिन् अवसरे मन्त्रिणी अग्निमित्रा पॉल उक्तवती यत् प्रधानमन्त्रिणा नरेन्द्र मोदी इत्यनेन देशस्य प्रधानमन्त्रिरूपेण सफलतया द्वादशवर्षाणि पूर्णानि कृत्वा भारतीयराजनीत्यां शासनव्यवस्थायां च नूतनः कीर्तिमानः स्थापितः। तया अस्याः ऐतिहासिकायाः उपलब्धेः अवसर उपलक्ष्य प्रधानमन्त्रिणे हार्दिकाभिनन्दनं शुभकामनाश्च प्रदत्ताः।

मन्त्रिणी उक्तवती यत् प्रधानमन्त्रिणः मोदिनो दूरदर्शिनेतृत्वे भारतेन विकासे आधारभूतसंरचनायां डिजिटलप्रौद्योगिक्यां अर्थव्यवस्थायां वैश्विककूटनीतिक्षेत्रे च उल्लेखनीया प्रगतिः प्राप्ता। अद्य भारतं विश्वमञ्चे शक्तिशालिनः आत्मविश्वासयुक्तस्य राष्ट्रस्य रूपेण स्वीयां परिचयं स्थापयति।

कामाख्या मन्दिरे पूजार्चनानन्तरम् अग्निमित्रा पॉल उक्तवती यत् मया माता कामाख्यां प्रति प्रार्थना कृता यत् सा प्रधानमन्त्रिणे नरेन्द्र मोदिने उत्तमस्वास्थ्यं दीर्घायुः देशसेवार्थम् अखण्डशक्तिं च प्रददातु। सः आगामिवर्षेषु अपि तेनैव समर्पणेन साहसेन सङ्कल्पेन च राष्ट्रनिर्माणकार्ये निरतः भवतु तथा विकसितभारतस्य स्वप्नस्य साकारकरणदिशि देशस्य नेतृत्वं निरन्तरं करोतु।

तया उक्तं यत् प्रधानमन्त्रिणः मोदिनो नेतृत्वे भारतं अनेकाः ऐतिहासिकाः उपलब्धयः प्राप्तवान् तथा च देशः विकासस्य नूतनाः उन्नतयः स्पृशति। माता कामाख्यायाः आशीर्वादः तस्मिन् सदैव स्थितः भवतु इति एव तस्याः प्रार्थना अस्ति।

---------------

Hindusthan Samachar / Dheeraj Maithani