Enter your Email Address to subscribe to our newsletters
शिमला, 10 जूनमासः (हि.स.)।
राज्यपालः कविन्द्र गुप्तः बुधवासरे अत्र हिमाचलप्रदेश राज्य रेडक्रॉस सोसायटी द्वारा आयोजिते रक्तदानशिविरे निःशुल्क दन्तस्वास्थ्य परीक्षणशिविरे च मुख्यातिथिरूपेण सहभागितां कृतवान्। राज्यपालः राज्य रेडक्रॉस सोसायट्याः तथा समाजस्य प्रति रक्तदातृणाम् अमूल्यप्रयत्नानां प्रशंसाम् अकरोत्। तेन उक्तं यत् रेडक्रॉस मानवतायाः सेवायां महत्त्वपूर्णां भूमिकां निर्वहति तथा च पीडितानां आवश्यकतायुक्तानां जनानां च साहाय्यं प्रदाय करुणायाः सामुदायिककल्याणस्य च भावनां प्रोत्साहयति।
तेन उक्तं यत् रक्तदानं महत् कर्म अस्ति यस्मिन् जीवनरक्षणस्य आवश्यकतायुक्तेभ्यः जनभ्यः नवीनाशां प्रदातुं च क्षमता वर्तते। तेन युवभ्यः एतादृशेषु मानवीयजनहितकारिषु कार्येषु सक्रियरूपेण सहभागितां कर्तुं आह्वानं कृतम्।
कार्यक्रमस्य समये राज्यपालः चलदन्तचिकित्सालययानस्य निरीक्षणं कृतवान् तथा विशेषतः दूरवर्तिक्षेत्रेषु जनानां कृते गुणवत्तायुक्तानां दन्तस्वास्थ्यसेवानां उपलब्ध्यर्थं क्रियमाणानां प्रयासानां प्रशंसाम् अकरोत्।
राज्यपालः रक्तदातृभ्यः प्रशंसापत्राणि प्रदाय सम्मानितवान्।
तेन रेडक्रॉस सोसायटीसंस्था निरन्तरं सहयोगं प्रदातुं तथा च बहुवर्षेभ्यः नियमितरूपेण रक्तदानं कर्तुं राजकुमार इत्यस्य सम्मानः कृतः।
अस्मिन् अवसरे रेडक्रॉस सोसायट्याः सदस्या डॉ साधना ठाकुर, डॉ किमी सूद, जनस्वास्थ्य दन्तचिकित्साविभागस्य आईजीएमसी संस्थायाः विभागाध्यक्षः डॉ विनय भारद्वाज, रक्तदातारः तथा अन्ये गणमान्यजनाः उपस्थिताः आसन्।
---------------
Hindusthan Samachar / Dheeraj Maithani