Enter your Email Address to subscribe to our newsletters
प्रयागराजनगरम्, ११ जूनमासः (हि.स.)। भारतीयजनता-पक्षस्य प्रयागराज-यमुनापार-जनपदस्य सभां गुरुवासरे रामपुर-कैम्प-कार्यालये जनपदाध्यक्षस्य राजेश-शुक्लस्य अध्यक्षतायां सम्पन्ना। मुख्यातिथिः काशी-क्षेत्र-उपाध्यक्षः तथा यमुनापार-जनपद-प्रभारी अमरनाथ-यादवः संघटनात्मकानां पूर्वकार्याणां समीक्षां कृत्वा अग्रिम-कार्यक्रमाणां अभियानानां च विस्तृतां रूपरेखां निर्धारितवान्।
मुख्यातिथिना उक्तं यत् सर्वे पदाधिकारीणः स्वदायित्वानां निर्वहनं पूर्णया निष्ठया, सत्यतया तथा समर्पणभावेन कुर्वन्तु, तथा संघटनस्य निर्देशान् प्राथमिकतया स्वीकृत्य यमुनापारस्य चतुर्षु विधानसभाक्षेत्रेषु भारतीयजनता-पक्षस्य अधिकं सुदृढीकरणं कुर्युः। तेन इदम् अपि उक्तं यत् संघटनं प्रति समर्पितः कार्यकर्ता एव भविष्यस्य विजयस्य आधारः भवति, अतः व्यक्तिगत-आग्रहेभ्यः उपरि गत्वा संघटनहितं सर्वोपरि स्थापनीयम्।
जनपदाध्यक्षः राजेश-शुक्लः मुख्यातिथिं स्वागतम् अकरोत् तथा पदाधिकाऱिभ्यः अग्रिम-कार्यक्रमाणां दायित्वानि न्यवेशयत्। तेन उक्तं यत् यमुनापारस्य प्रत्येकं कार्यकर्ता संघटनस्य शक्तिः अस्ति, तथा सर्वे मिलित्वा अग्रिम-अभियानान् शत-प्रतिशत-सफलतां प्रति नेतुं पूर्णक्षमतया कार्यं करिष्यन्ति।
भाजपा-जनपद-मीडिया-प्रभारी दिलीप-कुमार-चतुर्वेदी इति अवदत् यत् सभायाः संचालनं जनपद-महामन्त्री प्रदीप-पाण्डेयेन कृतम्, तथा आभार-प्रकाशनं जनपद-उपाध्यक्षेण राजेश्वरी-तिवारिणा कृतम्। सभायां जनपद-उपाध्यक्षाः, जनपद-मन्त्रिणः, आईटी, सोशल-मीडिया, मीडिया, कार्यालय-मन्त्रिणः तथा मोर्चानां जनपदाध्यक्षाः उपस्थिताः आसन्।
Hindusthan Samachar / Divya Ranjan