Enter your Email Address to subscribe to our newsletters
भोपालनगरम्, ११ जूनमासः (हि.स.)। मध्यप्रदेशे योग-दिवसः २१ जून-दिने विविध-कार्यक्रमैः सह आचर्यते, तस्मात् पूर्वं १४ जून-दिने विशेष-अन्तर्जाल-योग-सत्रस्य आयोजनं क्रियते। एतत् विंशति-मिनिटपरिमितं सत्रं भवति, यस्मिन् कश्चन नागरिकः भागं ग्रहीतुं शक्नोति। मुख्यमन्त्री डॉ.मोहन-यादवः समस्त-प्रदेशवासिनः अस्मिन् अन्तजाल-योग-सत्रे सहभागाय आह्वानं कृतवान्।
मुख्यमन्त्रिणा गुरुवासरे सामाजिक-माध्यमेषु प्रकाशिते विडियो-सन्देशे उक्तं यत् योगः भारतस्य प्राचीन-ज्ञानपरम्परायाः अमूल्य-निधिः अस्ति, यः सम्पूर्णं विश्वं स्वस्थ-सन्तुलित-जीवनस्य मार्गं प्रदर्शितवान्। प्रधानमन्त्री नरेन्द्र-मोदी-वर्यस्य नेतृत्वे अन्ताराष्ट्रिय-योग-दिवसः वैश्विक-जन-आन्दोलनरूपेण प्रतिष्ठितः अभवत्, तथा च अनेकानि राष्ट्राणि योगस्य महत्त्वं स्वीकृतवन्तः।
मुख्यमन्त्रिणा इदम् अपि उक्तं यत् अन्तर्राष्ट्रीय-योग-दिवसः २०२६ इत्यस्य सप्तमे काउन्ट-डाउन-अवसरे आयुष-मन्त्रालयेन, भारत-सर्वकारेण सह, १४ जून २०२६ दिने प्रातः ०६:१५ वादनेतः ०७:३५ वादनपर्यन्तं विशेष-अन्तर्जाल-योग-सत्रस्य आयोजनं निश्चितम् अस्ति। अस्य कार्यक्रमस्य उद्देश्यं अधिकाधिक-नागरिकान् योगेन संयोज्य स्वस्थ-जागरूक-निरोग-समाजस्य निर्माणम् अस्ति।
मुख्यमन्त्री प्रदेशस्य सर्वेषां नागरिकाणां, यूनां, महिलानां, वरिष्ठजनानां, विद्यार्थिनां, शासकीय-सेवकानां तथा सामाजिक-संस्थानां च कृते आग्रहं कृतवान् यत् ते अधिकाधिक-सङ्ख्यया अस्मिन् अन्तर्जाल-योग-सत्रे सहभागीभूय योगं स्व-दैनन्दिन-जीवनस्य अभिन्न-अङ्गं कुर्वन्तु।
टोल-फ्री-संख्या-सुविधाकार्यक्रमेण सह संयोजितुं १८००-३१५-७००८ इति टोल-फ्री-सङ्ख्यायां मिस्डकॉल दत्त्वा पञ्जीकरणं कर्तुं शक्यते। मुख्यमन्त्रिणा उक्तं यत् “गृहं-गृहं योगः, प्रत्येकं जनः निरोगः” इति संकल्पेन सर्वे जनाः अस्मिन् अभियाने सहभागी भूत्वा गिनीज-विश्व-कीर्तिमानस्य दिशि योगदानं यच्छतु तथा स्वस्थ-मध्यप्रदेशस्य विकसित-भारतस्य निर्माणे भागं गृह्णन्तु।
Hindusthan Samachar / Divya Ranjan