Enter your Email Address to subscribe to our newsletters
भोपालम्, 11 जूनमासः (हि.स.)।
मुख्यमन्त्री युवा अन्नदूत योजनायाः क्रियान्वयनसम्बद्धसूचनां ज्ञातुं तथा च अस्याः योजनायाः विविधपक्षाणां अध्ययनार्थं छत्तीसगढ स्टेट सिविल सप्लाई कार्पोरेशनस्य अधिकारिणां एकः दलः मध्यप्रदेशस्य भ्रमणे अस्ति। एतेन दलेन गुरुवासरे खाद्यसञ्चालनालये अधिकारिभ्यः योजनायाः कार्यप्रणाली, परिवहनव्यवस्था, सूचना प्रौद्योगिकी आधारित निरीक्षणप्रणाली, सम्बद्धविभागानां मध्ये समन्वयः, हितधारकाणां भूमिका तथा च खाद्यान्नवितरणव्यवस्थायां योजनायाः प्रभावीक्रियान्वयनस्य विषये सूचना प्राप्ता।
अपरसञ्चालकः खाद्य एच एस परमार तथा अन्ये अधिकारिणः योजनायाः क्रियान्वयनस्य सम्बन्धे पावर प्वाइंट प्रस्तुतीकरणं प्रदत्तवन्तः। छत्तीसगढस्य दले सहायकमहाप्रबन्धकः सूचना प्रौद्योगिकी तथा उपार्जन महेन्द्र साहू, उपसहायकमहाप्रबन्धकः परिवहन मनोज वर्मा, उपसहायकमहाप्रबन्धकः सार्वजनिकवितरणप्रणाली त्रिनाधा रेड्डी, वरिष्ठपरामर्शदाता सुशील तिवारी तथा परामर्शदाता संदीप हलदर समाविष्टाः सन्ति।
मुख्यमन्त्री युवा अन्नदूत योजना इति विषये जनसम्पर्काधिकारी राजेश पाण्डेयः सूचनां दत्त्वा अवदत् यत् लक्षित सार्वजनिकवितरणप्रणाली अन्तर्गतं प्रदायककेन्द्रात् उचितमूल्यदुकानेभ्यः राशनसामग्र्याः परिवहनकार्यं परिवहनकर्तृठेकेदारस्य स्थाने बेरोजगारयुवकानां माध्यमेन कारयित्वा तेषां रोजगारप्रदानार्थं एषा योजना नवाचाररूपेण प्रवर्तिता अस्ति। अस्याम् योजनायां प्रायः ९०० परिवहनकर्तारः सन्ति।
मुख्यमन्त्री उद्यमक्रान्तियोजनायाः अन्तर्गतं ऋणस्वीकृत्या ७.५ मेट्रिकटनक्षमतायुक्तानि वाहनानि उपलब्धानि कृतानि सन्ति। वाहनानां कृते राज्यशासनेन प्रति वाहनम् १.२५ लक्षरूप्यकाणां मार्जिन मनी तथा ३ प्रतिशतं व्याजानुदानं प्रदीयते। एतैः वाहनैः प्रतिमासं प्रायः ३००० क्विण्टल राशनसामग्र्याः परिवहनं क्रियते।
योजनायां निर्जीविकयुवकेभ्यः रोजगारः उपलब्धः क्रियते तथा च सामग्र्याः परिवहनम् अपि शीघ्रगत्या क्रियते। मुख्यमन्त्री युवा अन्नदूत योजनायाः वाहनेषु जीपीएस माध्यमेन राज्यस्तरीय आदेश नियन्त्रणकेन्द्रात् निरीक्षणं क्रियते।
---------------
Hindusthan Samachar / Dheeraj Maithani