Enter your Email Address to subscribe to our newsletters
ग्वालियरनगरम्, ११ जूनमासः (हि.स.)। मध्यप्रदेशस्य ऊर्जा-मन्त्री प्रद्युम्नसिंह-तोमरः अद्य गुरुवासरे उपनगर-ग्वालियरस्य विभिन्नेषु क्षेत्रेषु ३.९२ कोटि-रूप्यकाणां व्ययेन विकास-निर्माण-कार्याणां भूमिपूजनं करिष्यति। तोमरः विभिन्न-कार्यक्रमाणां समापनानन्तरं रात्रि-विश्रामं आनन्दनगरस्य सी-ब्लॉक-स्थिते मातृ-मन्दिरे करिष्यति।
ऊर्जा-मन्त्री तोमरः सायं पञ्चवादने वार्ड-३२-स्थिते गांधीनगर-उद्याने आयोजिते कार्यक्रमे १ कोटि: ९८ लक्ष-रूप्यकाणां व्ययेन निर्मीयमाणायाः नवीन-सीवर-रेखायाः संधारण-कार्यस्य भूमिपूजनं करिष्यति। अस्मिन्नेव कार्यक्रमे ऊर्जा-मन्त्री ६० लक्षं १४ सहस्र-रूप्यकाणां व्ययेन मार्ग-डामरीकरण-कार्यस्य, ८१ लक्ष १२ सहस्र-रूप्यकाणां व्ययेन गांधीनगरस्य विभिन्न-वीथिषु डामरीकरण-कार्यस्य, ३ लक्ष ८२ सहस्र-रूप्यकाणां व्ययेन गांधी-नगरे नालिका-निर्माण-कार्यस्य, १३ लक्षं १६ सहस्र-रूप्यकाणां व्ययेन वार्ड-३२ इत्यस्य समस्तेषु उद्यानेषु नवीन-उपकरण-स्थापन-कार्यस्य, तथा १२ लक्ष ५६ सहस्र-रूप्यकाणां व्ययेन वार्ड-३२ मध्ये सार्वजनिक-सुलभ-समुच्चयस्य पुनर्निर्माण-कार्यस्य भूमिपूजनं करिष्यति।
ऊर्जा-मन्त्री तोमरः सायं षड्वादने बहोड़ापुर-आरक्षक-स्थानकस्य समीपे वार्ड-३-स्थिते शहीद-श्री-सरमनसिंह-उद्याने आयोजिते कार्यक्रमे २३ लक्षं ६० सहस्र-रूप्यकाणां व्ययेन शहीद-श्री-सरमनसिंह-उद्यानस्य सौन्दर्यीकरण-कार्यस्य भूमिपूजनं करिष्यति। तदनन्तरं सः आनन्दनगरस्य सी-ब्लॉक-स्थिते मातृ-मन्दिरे रात्रि-विश्रामं करिष्यति।
ऊर्जा-मन्त्री श्री-प्रद्युम्नसिंह-तोमरः शुक्रवासरे, १२ जून २०२६ दिनाङ्के, प्रातः सप्तवादने आनन्दनगरस्य सी-ब्लॉक-स्थिते मातृ-मन्दिर-परिसरे आयोजिते स्वच्छता-वृक्षारोपण-कार्यक्रमे सहभागी भविष्यति।
Hindusthan Samachar / Divya Ranjan