Enter your Email Address to subscribe to our newsletters
- वर्ल्ड स्किल्स कंपीटिशन, सितंबर 2026 में शंघाई के लिए हुए चयनित
भोपालम्, 11 जूनमासः (हि.स.)।मध्यप्रदेशस्य युवा अजय अहिरवारेण इंडिया स्किल्स राष्ट्रियप्रतियोगिता २०२५ २६ मध्ये इष्टिकास्थापनकौशले स्वर्णपदकं प्राप्त्वा प्रदेशः राष्ट्रियस्तरे गौरवान्वितः कृतः अस्ति। तस्य उत्कृष्टप्रदर्शनस्य आधारेण भारतस्य प्रतिनिधिरूपेण वर्ल्ड स्किल्स प्रतियोगिता २०२६ कृते चयनं जातम्। एषा प्रतियोगिता २०२६ वर्षस्य सेप्टेम्बरमासे चीनदेशस्य शंघाई नगरे आयोजिता भविष्यति।
जनसम्पर्काधिकारिणी बबीता मिश्रा गुरुवासरे अवदत् यत् अजय अहिरवारस्य चयनं ग्लोबल स्किल्स चैलेंज २०२६ कृते अपि अभवत्, यस्य आयोजनं २३ जूनतः २९ जून २०२६ पर्यन्तम् ऑस्ट्रेलियादेशे भविष्यति। अस्यां प्रतियोगितायां सः भारतदेशस्य प्रतिनिधित्वं करिष्यति। सम्प्रति अजय अहिरवार कानपुरनगरे उन्नतप्रशिक्षणं प्राप्नोति तथा आगामी अन्तरराष्ट्रीयप्रतियोगितानां कृते सज्जतां करोति।
जनसम्पर्काधिकारिण्याः अनुसारं अजयस्य एषा उपलब्धिः प्रदेशस्य युवजनानां कृते प्रेरणादायिनी अस्ति। सीमितसाधनानां मध्ये स्वस्य परिश्रम, निष्ठा तथा कौशलस्य बलेन तेन राष्ट्रियस्तरे उत्कृष्टप्रदर्शनं कृत्वा अन्ताराष्ट्रियमञ्चे स्वस्य परिचयं स्थापितः। तस्य सफलता एतत् दर्शयति यत् सम्यक् प्रशिक्षणेन, निरन्तराभ्यासेन तथा दृढसंकल्पेन युवा वैश्विकस्तरे अपि स्वप्रतिभायाः प्रदर्शनं कर्तुं शक्नुवन्ति।
अजयस्य उपलब्धीनां तस्य सज्जतायाः च प्रोत्साहनार्थं मध्यप्रदेश राज्यकौशलविकास एवं जीविकानिर्माणमण्डलेन विशेषवित्तीयसहायता प्रदत्ता अस्ति, येन सः आगामीप्रतियोगितानां सज्जतां अधिकप्रभावकरूपेण कर्तुं शक्नुयात्।
जनसम्पर्काधिकारिण्याः अनुसारं मध्यप्रदेशे कौशलविकासस्य संवर्धनाय निरन्तरप्रयत्नाः क्रियमाणाः सन्ति, येषां सकारात्मकफलानि राष्ट्रिय तथा अन्ताराष्ट्रियप्रतियोगितासु प्रदेशस्य युवजनानां उत्कृष्टप्रदर्शनरूपेण दृश्यन्ते। राज्यस्य प्रतिभाशालिनां युवानां कृते प्रशिक्षणं, मार्गदर्शनं तथा आवश्यकसहयोगः प्रदाय तान् वैश्विकावसरैः सह संयोजयितुं दिशि निरन्तरं कार्यं क्रियते।
---------------
हिन्दुस्थान समाचार / Dheeraj Maithani