नवदिल्ली, 11 जूनमासः (हि.स)।

केन्द्रशासनेन गुरुवासरे उक्तं यत् पश्चिम एशियाक्षेत्रे वर्तमानसङ्कटस्य अस्तित्वे अपि देशे कच्चतैलस्य, पेट्रोल इत्यस्य, डीजलस्य, एलपीजी तथा प्राकृतिकवायोः आपूर्तिः स्थिरा वर्तते। शासनेन उक्तं यत् शोधनालयाः स्वपूर्णक्षमतया कार्यं कुर्वन्ति।

पेट्रोलियम तथा प्राकृतिकवायुमन्त्रालयस्य संयुक्तसचिवा सुजाता शर्मा नूतनदिल्लीस्थायाम् अन्तरमन्त्रालयीयपत्रकारवार्तायाम् उक्तवती यत् केषुचित् खुद्रविक्रयकेन्द्रेषु मागवृद्धेः समाचाराः प्राप्ताः सन्ति। तथापि तैलविपणनकम्पन्यः सम्पूर्णजालके आपूर्तिं सुचारुरूपेण विना अवरोधं च स्थापयितुं कार्यं कुर्वन्ति। सा उक्तवती यत् विगतत्रिदिनेषु गृहपाकप्रयोजनस्य एलपीजी गैसपात्राणां १.४० कोटि आरक्षणानि प्राप्तानि, येषां तुलनायां १.४९ कोटि वितरणानि सम्पन्नानि सन्ति।

तया सूचितं यत् अस्मिन् एव काले प्रायः २२३४० टनपरिमिताः वाणिज्यिक एलपीजी गैसपात्राणि विक्रीतानि, तथा च पञ्च किलोग्रामपरिमितस्य एलपीजी गैसपात्रस्य प्रायः १.९१ लक्ष एककानाम् अपि आपूर्तिः कृता अस्ति। सुजाता शर्मा उक्तवती यत् केषुचित् खुद्रविक्रयकेन्द्रेषु अधुना अपि अधिका विक्रयक्रिया दृश्यते, किन्तु वयं शासकीयतैलविपणनकम्पनीषु आपूर्तिं निरन्तरं सुचारुरूपेण स्थापयितुं प्रयतामहे।

विदेशमन्त्रालयस्य प्रवक्ता रणधीर जायसवालः उक्तवान् यत् विगतदिनेभ्यः पश्चिम एशियाक्षेत्रे भारतीयनाविकैः सम्बद्धाः अनेकाः घटनाः समुपस्थिताः सन्ति। शासनं नाविकसमुदायस्य कल्याणं सुरक्षां च अत्यन्तं महत्त्वं ददाति। सः उक्तवान् यत् ह्यः ओमानस्य तटस्य समीपे एकस्मिन् नौकायाने अभवतः आक्रमणस्य वयं निन्दाम् अकुर्म, यस्मिन् दुर्भाग्यवशात् त्रयः भारतीयनागरिकाः मृत्युम् अगच्छन्।

जायसवाल उक्तवान् यत् अस्माभिः स्वस्य दृढविरोधः अभिलेखितः। अस्मिन् क्षेत्रे नौकायानेषु निरन्तरं भवमानानि आक्रमणानि अत्यन्तं चिन्ताजनकानि सन्ति तथा च एतानि क्षेत्रे प्रचलतः संघर्षस्य प्रत्यक्षपरिणामाः सन्ति। एतानि आक्रमणानि निरोद्धव्यानि। वयं क्षेत्रे शीघ्रं शान्तेः स्थिरतायाः च पुनःस्थापनार्थं संवादस्य कूटनीतेः च आह्वानं कुर्मः।

विदेशमन्त्रालयस्य अतिरिक्तसचिवः खाडिक्षेत्रस्य असीम आर महाजन उक्तवान् यत् अस्माकं सम्पूर्णं ध्यानं अस्मिन् क्षेत्रे भारतीयसमुदायस्य सुरक्षा कल्याणं च सुनिश्चितं कर्तुम् अस्ति। सः उक्तवान् यत् सूचनाविनिमयार्थं आवश्यकपदक्षेपग्रहणार्थं च वयं राज्यशासनैः केन्द्रशासितप्रदेशैः च सह निरन्तरं सम्पर्के स्मः। महाजन उक्तवान् यत् भारतीयदूतावासाः वाणिज्यदूतावासाः च समुदायस्य सक्रियरूपेण सहायता कुर्वन्ति। ते चतुर्विंशतिघण्टात्मकां सहायतासेवां चालयन्ति, स्थानीयाधिकारिभिः सह निकटसम्पर्कं धारयन्ति तथा च यात्राविषये, नियमेषु, वाणिज्यदूतसेवासु तथा कल्याणकारीउपायेषु नियमितरूपेण परामर्शसूचनाः प्रकाशयन्ति।

एतदतिरिक्तं रसायन उर्वरकमन्त्रालयस्य अतिरिक्तसचिवा अपर्णा एस शर्मा अवदत् यत् देशे उर्वरकस्य कुलसञ्चयः उत्तमस्थितौ अस्ति। सा उक्तवती यत् सञ्चयस्थितिं दृष्ट्वा सम्पूर्णदेशे तस्य उपलब्धता पूर्वमेव ५१ प्रतिशतं वर्तते। अस्मिन् कच्चसामग्रीणां सिद्धउर्वरकाणां च आपूर्तिं सुनिश्चितं कर्तुं दीर्घकालीनाः आपूर्तिसहमतौ महतीं भूमिकां निर्वहन्ति।

सा उक्तवती यत् अस्माकं बहवः संयुक्त-उद्यमाः अपि सन्ति तथा विदेशस्थितैः स्वीयमिशनैः माध्यमेन वयं होर्मुजजलसन्धेः बहिः स्थितैः देशैः सह कच्चसामग्रीणां सिद्ध-उर्वरकाणां च आपूर्त्यर्थं सक्रियरूपेण वार्तालापं कुर्मः। सा उक्तवती यत् विक्रयः सदैववत् तीव्रगत्या प्रचलति। भारतीयकृषकैः सम्पूर्णदेशे प्रायः ११.३८ एलएमटी जैविकखाद्यानि अन्यानि उर्वरकाणि च क्रीतानि।

---------------

Hindusthan Samachar / Dheeraj Maithani