Enter your Email Address to subscribe to our newsletters
नवदिल्ली, 11 जूनमासः (हि.स.)।
फीफा विश्वकपपूर्वं क्रीडितेषु अन्तिमेषु अभ्यासस्पर्धासु इंग्लैण्ड, पुर्तगाल तथा अल्जीरिया इत्येताभिः विजयः प्राप्तः तथा च ताभिः स्वस्य सज्जता अधिकं सुदृढीकृता। त्रयः अपि दलाः प्रभावशालिनं प्रदर्शनं कृत्वा स्पर्धापूर्वं आत्मविश्वासं प्राप्तवन्तः।
इंग्लैण्डदेशेन अमेरिकादेशस्य फ्लोरिडा प्रदेशस्य ऑरलैण्डो नगरे क्रीडिते स्पर्धायां कोस्टा रिका देशं त्रि शून्याङ्केन पराजितम्। प्रतिकूलवातावरणस्य कारणात् स्पर्धायाः आरम्भः एकघण्टाया विलम्बेन अभवत्, किन्तु इंग्लैण्डदलम् आरम्भात् एव नियन्त्रणं धारितवान्। नवमे निमेषे डेक्लान राइस एन्थनी गॉर्डन इत्यस्य प्रदत्ते पादप्रेषणे गोलं कृत्वा दलं अग्रतां प्रापितवान्। उत्तरार्धे गॉर्डन दण्डप्रहारस्य माध्यमेन गोलं कृतवान्, यदा च स्पर्धासमाप्तेः त्रयः निमेषाः पूर्वम् ओली वॉटकिंस तृतीयं गोलं कृत्वा विजयम् सुनिश्चितवान्। एषा इंग्लैण्डस्य गतदश मैत्रीस्पर्धासु चतुर्थी विजयः आसीत्। अधुना दलं स्वसमूहस्य एल इति वर्गस्य प्रथमस्पर्धायां क्रोएशिया देशेन सह स्पर्धां करिष्यति।
पुर्तगालेन लीरिया नगरे नाइजीरिया देशः द्वि एकाङ्केन पराजितः। क्रिस्टियानो रोनाल्डो सम्पूर्णे प्रथमभागे सक्रियः आसीत्, तथापि सः गोलं कर्तुं न अशक्नोत्। स्पर्धायाः त्रयोविंशतितमे निमेषे पेड्रो नेटो डियोगो डालोट इत्यस्य पादप्रेषणेन गोलं कृत्वा पुर्तगालदेशं अग्रतां प्रापितवान्। नाइजीरियादलेन प्रथमभागस्य अन्तात् पूर्वं समता स्थापिता, किन्तु पञ्चसप्ततितमे निमेषे फ्रान्सिस्को कॉन्सेसाओ इत्यस्य सुन्दरवक्रप्रहारेण पुर्तगालदेशः विजयम् प्राप्तवान्। अस्य विजयस्य सह रॉबर्टो मार्टिनेज इत्यस्य दलं निरन्तरं पञ्चमं स्पर्धां पराजयविना समाप्तवान्।
अल्जीरियादेशेन दिनस्य सर्वाधिकविजयं प्राप्त्वा बोलिविया देशः चत्वारि शून्याङ्केन पराजितः। निरुद्धद्वारेषु क्रीडितायां अस्यां स्पर्धायाम् ऐसा मांडी अर्धकालस्य पूर्वमेव प्रथमं गोलं कृतवान्। उत्तरार्धे अल्जीरियादलम् पूर्णतया प्रभावी अभवत्। अमीन गुइरी द्वयोः निमेषयोः अन्तरे द्वौ गोलौ कृतवान् तथा अनन्तरम् अनीस हदज मूसा चतुर्थं गोलं कृत्वा दलस्य महतीं विजयम् सुनिश्चितवान्।
अधुना सर्वाः अभ्यासस्पर्धाः समाप्ताः सन्ति तथा च ध्यानं फीफा विश्वकप २०२६ इत्यस्य समूहचरणे केन्द्रितम् अभवत्। अष्टचत्वारिंशत् दलयुक्तः अयं ऐतिहासिकः स्पर्धोत्सवः सहआयोजकदेशयोः मेक्सिको तथा दक्षिण अफ्रीका इत्यनयोः मध्ये उद्घाटनस्पर्धया आरभ्यते।
---------------