-तिलकं कृत्वा भविष्यति नवप्रवेशी बालानां स्वागतम्

रायपुरम् 12 जूनमासः (हि.स.)।

छत्तीसगढप्रदेशे नूतनशैक्षणिकसत्रस्य आरम्भेन सह राज्यसर्वकारः विद्यार्थिनां कृते स्वच्छं सुन्दरं गुणवत्तापूर्णं च वातावरणं निर्मातुं सज्जः अस्ति। राष्ट्रियशिक्षानीतिः २०२० इत्यस्य अनुरूपं सम्पूर्णप्रदेशे १६ जून २०२६ तः शाला प्रवेश उत्सव २०२६ इत्यस्य गरिमामयः आयोजनः भविष्यति। अस्मिन् विषये विद्यालयशिक्षाविभागस्य सचिवः डॉ. कमलप्रीत सिंहः मन्त्रालयमहानदीभवनात् (नवा रायपुर) विस्तृतानि दिशानिर्देशानि निर्गतवान्।

प्रवेशोत्सवस्य उत्सवरूपेण आयोजनार्थं तस्य व्यापकः प्रचारप्रसारः क्रियिष्यते। अस्य अन्तर्गतं ग्रामेषु नगरीयवार्डेषु च घोषणाः कारयिष्यन्ते। पताकापत्रैः यात्राभिः च जनजागरूकता वर्धयिष्यते। स्थानीयजनप्रतिनिधीनां, शालाविकाससमितीनां पालकानां च सक्रियभागीदारी सुनिश्चितीक्रियिष्यते।

विभागेन निर्देशः दत्तः यत् विद्यालयानां उद्घाटनात् पूर्वं भवनानां, परिसराणां, कक्षाणां च सम्पूर्णा स्वच्छता आवश्यकमरम्मतं च सम्पन्नं क्रियेत। मरम्मतयोग्यभवनानां कार्यम् १५ जून २०२६ पर्यन्तं सर्वथा पूर्णं कर्तुं कथितम् अस्ति, यतः बालकेभ्यः आकर्षकं शिक्षाचित्रैः भित्तिलेखैः च युक्तं वातावरणं प्राप्येत।

प्रवेशप्रक्रियायाः सुगमीकरणाय शिक्षाविभागेन सुव्यवस्थितः ढाँचः निर्मितः अस्ति। प्रथमकक्षायां आङ्गनवाडीकेन्द्रेभ्यः बालकानां सूचीं प्राप्य प्रत्यक्षतया विद्यालयेषु प्रवेशः प्रदास्यते। षष्ठकक्षायां प्राथमिकशालाभ्यः पञ्चमकक्षाम् उत्तीर्णानां विद्यार्थिनां सूचीं स्थानान्तरणप्रमाणपत्रं च गृहीत्वा तेषां प्रवेशः सुनिश्चितः भविष्यति। ये बालकाः अध्ययनं त्यक्तवन्तः, तान् अन्विष्य पुनः मुख्यशिक्षाप्रवाहेन संयोजने विशेषः बलः प्रदास्यते।

एतदतिरिक्तं विद्यालयेषु विद्यार्थिनां शिक्षकेषु च शतप्रतिशतं उपस्थितिः सुनिश्चितीकरणाय तथा शिक्षकेषु लम्बितविषयाणां शीघ्रनिष्पत्तये निर्देशाः दत्ताः सन्ति। सर्वे विषयशिक्षकाः आगामिनां त्रिमासानां शैक्षणिककार्ययोजनामपि निर्मास्यन्ति।

उत्सवकाले विद्यालयं प्राप्तानां नवप्रवेशितबालकानां तिलकं कृत्वा आत्मीयः स्वागतसमारोहः भविष्यति। अस्मिन् अवसरे योग्यविद्यार्थिभ्यः निःशुल्कपाठ्यपुस्तकानि, विद्यालयवेषः, द्विचक्रवाहनानि च वितरिष्यन्ते। मण्डलीयस्थानीयपरीक्षासु श्रेष्ठफलप्राप्तविद्यार्थिनः उत्कृष्टपालकाः च सम्मानिताः भविष्यन्ति।

अस्मिन् अभियाने स्थानीयसमुदायस्य, स्वास्थ्यकार्यकर्तॄणां, स्वसहायतासमूहानां, सेवात्यक्तकर्मचारिणां च सहयोगः स्वीक्रियिष्यते। इच्छुकाः नागरिकाः स्वेच्छया बालकेभ्यः लेखनी, शिलापट्टिका, अभ्यासपुस्तिका, रेखागणनापेटिका, विद्यालयपृष्ठभारवाहकादीनि सामग्रीः दातुं शक्नुवन्ति।

विद्यालयशिक्षाविभागेन स्पष्टं कृतम् यत् शाला प्रवेशोत्सवस्य कृते पृथक् वित्तव्ययः न प्रदास्यते। अस्य आयोजनं जनपदेषु पूर्वमेव उपलब्धैः संसाधनैः एव कार्यं भविष्यति। कार्यक्रमस्य सुचारुसञ्चालनाय संयुक्तसञ्चालकान्, जिलाशिक्षाधिकाऱिणः, जिलामिशनसमन्वयकान्, डाइटप्राचार्यान्, विकासखण्डशिक्षाधिकाऱिणः अन्यान् च अधिकारिणः विद्यालयानां निरन्तरनिरीक्षणं कृत्वा आवश्यकं शैक्षणिकमार्गदर्शनं प्रदातुं निर्देशाः दत्ताः सन्ति।

सचिवः डॉ. कमलप्रीत सिंहः आशां व्यक्तवान् यत् सर्वे अधिकारी कर्मचारी च छात्रहिताय व्यक्तिगतां रुचिं स्वीकृत्य अस्य अभियानस्य सफलतां साधयिष्यन्ति, येन नूतने शैक्षणिकसत्रे २०२६–२७ प्रदेशः श्रेष्ठतरान् शैक्षणिकपरिणामान् प्राप्तुं शक्नुयात्।

Hindusthan Samachar / Dheeraj Maithani