नारनाैलम्, 12 जूनमासः (हि.स.)।

हरियाणा केन्द्रीय विश्वविद्यालये महेन्द्रगढे शैक्षणिकसत्रस्य २०२६ २७ स्नातकोत्तर कार्यक्रमेषु प्रवेशार्थं अन्तर्जालपञ्जीकरणस्य अन्तिमतिथिः वर्धिता अस्ति। अधुना इच्छुकाः अभ्यर्थिनः १९ जून २०२६ पर्यन्तं आवेदनं कर्तुं शक्नुवन्ति। अस्य पूर्वं आवेदनस्य अन्तिमतिथिः १२ जून इति निर्धारितासीत्। विश्वविद्यालयप्रशासनस्य अस्य निर्णयेन तेषां विद्यार्थिनां लाभः भविष्यति ये केनचित् कारणेन निर्धारितसमये आवेदनं कर्तुं न अशक्नुवन्।

विश्वविद्यालयस्य कुलपतिः प्रो टंकेश्वर कुमारः शुक्रवासरे उक्तवान् यत् आवेदनतिथेः वर्धनस्य उद्देश्यं अधिकाधिकेभ्यः योग्यविद्यार्थिभ्यः प्रवेशप्रक्रियायां सम्मिलितुं अवसरं प्रदातुम् अस्ति। सः उक्तवान् यत् विश्वविद्यालयः गुणवत्तायुक्तां उच्चशिक्षां प्रदातुं प्रतिबद्धः अस्ति तथा एषः निर्णयः विद्यार्थिनां हितं दृष्ट्वा कृतः अस्ति।

विश्वविद्यालयेन निर्गतसूचनानुसारं अन्तर्जालपञ्जीकरणपत्रस्य संशोधनार्थं संशोधनावकाशः २० तथा २१ जून दिनयोः उद्घाटितः भविष्यति। अस्मिन् काले अभ्यर्थिनः स्वीये आवेदनपत्रे जाताः त्रुटीः संशोधितुं शक्नुवन्ति। विश्वविद्यालयप्रशासनेन विद्यार्थिभ्यः संशोधनावकाशस्य लाभं स्वीकृत्य सर्वेषां विवरणानां सावधानतया परीक्षणं कर्तुं प्रार्थना कृता अस्ति।

विश्वविद्यालयस्य प्रवेशसमितेः सदस्यः डॉ सुमित कुमारः अवदत् यत् सीयूईटी २०२६ माध्यमेन सञ्चालितेषु त्रिचत्वारिंशत् स्नातकोत्तर कार्यक्रमेषु कुलं १४५७ आसनेषु प्रवेशाः प्रदास्यन्ते। सीयूईटी परिणामस्य घोषणानन्तरं प्रवेशप्रक्रिया आरब्धा अस्ति। सः अवदत् यत् पञ्जीकरणप्रक्रियायाः पूर्णतायाः अनन्तरं योग्यतासूची प्रकाशिता भविष्यति।

डॉ सुमित कुमारस्य अनुसारं प्रथमपरामर्शस्य वर्गानुसारिणी योग्यतासूची २३ जून दिनाङ्के प्रकाशिता भविष्यति। अस्य आधारेण सम्बन्धितकार्यक्रमेषु प्रवेशप्रक्रिया अग्रे प्रवर्तिष्यते। अभ्यर्थिनः विश्वविद्यालयस्य आधिकारिकजालपुटं गत्वा अन्तर्जालपञ्जीकरणं कर्तुं शक्नुवन्ति तथा विस्तृतां सूचनाम् प्राप्तुं शक्नुवन्ति।

---------------

Hindusthan Samachar / Dheeraj Maithani