मीरजापुरम्, १२ जूनमासः (हि.स.)। प्रतियोगी-परीक्षासु कथित-अनियमिततानां छात्रहित-सम्बद्ध-विषयाणां च सन्दर्भे अपना-दल इति पक्षेण आन्दोलनस्य मार्गः स्वीकृतः। पक्षस्य राष्ट्रीय-नेत्री पल्लवी-पटेल: इत्यस्याः नेतृत्वे १५ जूनमासे वाराणसी-नगरे धरना-प्रदर्शनस्य तथा २७ जूनमासे नवदेहल्यां जन्तर-मन्तर-स्थले वृहद्-प्रदर्शनस्य सज्जता क्रियते। गुरुवासरे नगरस्थिते सिटी-क्लब-इत्यत्र आयोजितायां पक्षस्य मासिक-सभायाम् आन्दोलनस्य संघटन-विस्तारस्य च विषये व्यापक-रणनीतिः निर्मिता।

सभायाः अध्यक्षतां जनपदाध्यक्षः डाॅ.लालमूरत-पटेलः अकरोत्। अस्मिन् अवसरे पक्ष-पदाधिकारिभिः आरोपः कृतः यत् विविध-प्रतियोगी-परीक्षाणां, विशेषतः नीट-परीक्षायाः, विषये उद्भूतैः विवादैः युवसु छात्रेषु च असन्तोषः उत्पन्नः अस्ति। किसान-मञ्चस्य प्रदेश-उपाध्यक्षः रमाशङ्कर-पटेलः अवदत् यत् छात्राः युवानः च स्वभविष्यस्य विषये चिन्तिताः सन्ति तथा पक्षः तेषां स्वरं मार्गात् विधानमण्डल-पर्यन्तं प्रापयितुं कार्यं करिष्यति।

तेन उक्तं यत् वाराणसी-नगरे आयोज्यमाने धरना-प्रदर्शने पक्षस्य राष्ट्रीयाध्यक्षा कृष्णा-पटेल: अपि सहभागं करिष्यति। मीरजापुरात् बहुसंख्यक-कार्यकर्तॄणां सहभागाय सज्जता क्रियते। ततः परं २७ जूनमासे नवदेहल्याः जन्तर-मन्तर-स्थले अपि व्यापकं प्रदर्शनं भविष्यति।

सभायां संघटनस्य सुदृढीकरणाय सदस्यता-अभियानस्य त्वरित-प्रवर्तनाय च विशेषं बलं दत्तम्। जनपदध्यक्षः डाॅ.लालमूरत-पटेलः अवदत् यत् पक्षस्य संस्थापकस्य डाॅ.सोनेलाल-पटेलस्य जयन्त्याः उपलक्ष्ये २ जुलाई-दिने जनपदस्य सर्वेषु क्षेत्रेषु विशेष-सदस्यता-अभियानं सञ्चालयिष्यते। एतदर्थं बूथ-स्तर-पर्यन्तं संगठनं सक्रियं कर्तुं निर्णयः कृतः।

सभायां पक्षस्य विविध-प्रकोष्ठानां पदाधिकारिणः कार्यकर्तारः च उपस्थिताः आसन्। सर्वैः आन्दोलनस्य सफलतायै संघटनस्य च ग्रामे ग्रामे सुदृढीकरणाय सङ्कल्पः गृहीतः।

Hindusthan Samachar / Divya Ranjan