Enter your Email Address to subscribe to our newsletters
शिमला, 12 जूनमासः (हि.स.)।
बेङ्गलूरुस्थिते भारतसर्वकारस्य प्रतिष्ठिते नेशनल इन्स्टिट्यूट ऑफ मेंटल हेल्थ एण्ड न्यूरोसाइंसेज निमहैंस संस्थाने मानसिकस्वास्थ्य तथा पुनर्वासविषये पीएचडी उपाध्यर्थं आयोजितायां अखिलभारतीयप्रवेशपरीक्षायां शिमलानगरस्य प्रतिभाशालिनी छात्रा विपाशा श्रीवास्तव सर्वोच्चं स्थानं प्राप्तवती अस्ति। पीएचडी अध्ययनार्थं तस्यै इन्स्टिट्यूट फेलोशिप अपि प्रदास्यते।
उल्लेखनीयम् अस्ति यत् निमहैंस संस्थानं भारतसर्वकारात् राष्ट्रीयमहत्त्वयुक्तस्य संस्थानस्य स्थानं प्राप्तवति तथा च मानसिकस्वास्थ्यस्य न्यूरोसाइंसेजस्य च क्षेत्रे एतत् देशस्य अग्रणी संस्थानम् अस्ति।
विपाशया अधुना चण्डीगढस्य सेक्टर ३२ स्थितात् गवर्नमेंट मेडिकल कॉलेज एण्ड हॉस्पिटलस्य मनोचिकित्साविभागात् क्लिनिकल साइकोलॉजी विषये एम फिल उपाधिः उच्चप्रथमश्रेण्यां उत्तीर्णा अस्ति। अस्मिन् पाठ्यक्रमे प्रवेशार्थम् आयोजितायाम् अखिलभारतीयपरीक्षायाम् अपि सा प्रथमस्थानं प्राप्तवती आसीत्।
तया पञ्जाब विश्वविद्यालयात् मनोविज्ञानविषये बीए ऑनर्स उपाधिः तथा दिल्ली विश्वविद्यालयात् क्लिनिकल साइकोलॉजी विषये मास्टर्स उपाधिः प्राप्ता। तस्याः विद्यालयीयशिक्षा शिमलास्थितयोः दयानन्द पब्लिक स्कूल तथा लॉरेटो कॉन्वेन्ट स्कूल इति विद्यालययोः अभवत्।
विपाशायाः पिता प्रो अजय श्रीवास्तव हिमाचल प्रदेश विश्वविद्यालयात् सेवानिवृत्तः अस्ति, यदा तु तस्याः माता मृदुला श्रीवास्तव सतलुज जल विद्युत निगमस्य डिप्टी जनरल मैनेजर पदात् सेवानिवृत्ता अभवत्।
परिजनानां कथनानुसारं विपाशा बाल्यकालादेव क्लिनिकल साइकोलॉजिस्ट भूत्वा समाजस्य दुर्बलानां वंचितवर्गाणां च मानसिकस्वास्थ्यक्षेत्रे कार्यं कर्तुं स्वप्नं पश्यन्ती आसीत्। सा रिहैबिलिटेशन काउंसिल ऑफ इण्डिया द्वारा मान्यताप्राप्ता क्लिनिकल साइकोलॉजिस्ट अस्ति तथा च वर्तमानकाले दिल्ली एनसीआर क्षेत्रे कार्यरताऽस्ति।
---------------
Hindusthan Samachar / Dheeraj Maithani